ఉమ్మడి నల్గొండ జిల్లాలో అర్ధరాత్రి దాకా నామినేషన్లు

ఉమ్మడి నల్గొండ జిల్లాలో అర్ధరాత్రి దాకా నామినేషన్లు
  • సాయంత్రం ఐదులోపు వచ్చిన వారికి టోకెన్లు జారీ 
  • ఆ తర్వాత వచ్చిన వారికి నో చాన్స్ 
  • ఉమ్మడి నల్గొండ జిల్లాలో పంచాయతీ ఎన్నికలకు భారీగా నామినేషన్లు 

యాదాద్రి, సూర్యాపేట, వెలుగు: మొదటి దశలో ఎన్నికలు జరిగే పంచాయతీల్లో శనివారం నామినేషన్లు భారీగా దాఖలయ్యాయి. నామినేషన్లు దాఖలు చేయడానికి శనివారం చివరి రోజు కావడంతో  ఆశావహులు బారులు దీరారు. కొన్ని క్లస్టర్లలో రాత్రి పొద్దుపోయే వరకూ నామినేషన్లు దాఖలు చేస్తూనే ఉన్నారు. ఉమ్మడి జిల్లాలోని కొన్ని మేజర్​ పంచాయతీల్లో సర్పంచ్​ పదవులకు డిమాండ్​ఉంది. 

చాలా మందికి భారీ ఆశలున్నాయి. తమకంటే తమకే కావాలని లీడర్లపై ఒత్తిడి పెరిగింది. అభ్యర్థులను ఫైనల్​ చేయడంలో ఎమ్మెల్యేలు, మాజీ ఎమ్మెల్యేలు, లీడర్లు ఆచితూచీ వ్యవహరించారు. దీంతో చాలా పంచాయతీల్లో ఫైనల్​ చేయడంలో ఆలస్యం జరిగింది. దీనికి తోడు మొదటి రెండు రోజులు సప్తమి, అష్టమి కావడంతో చాలామంది  నామినేషన్లు దాఖలు చేయలేదు.  

రాత్రి పొద్దుపోయే వరకూ

చివరి రోజైన శనివారం నవమి కావడంతో నామినేషన్లు దాఖలు చేయడానికి ఉదయం నుంచే ఆశావహులు బారులు తీరారు. కొందరు ఒకటికి మించి నామినేషన్లు దాఖలు చేయడం, ఆశావహులు ఎక్కువ మంది ఉండడంతో ఆలస్యం జరిగింది. సాయంత్రం 5లోపు క్లస్టర్​ వద్దకు వచ్చిన వారికి టోకెన్లు అందించారు. ఆ తర్వాత వచ్చిన వారికి అవకాశం కల్పించలేదు. రాత్రి పొద్దుపోయే వరకూ నామినేషన్ల దాఖలు ప్రక్రియ సాగుతూనే ఉంది. 

నేటి నుంచి రెండో విడత నామినేషన్లు

మొదటి విడత ముగియడంతో రెండో విడత నామినేషన్ల ప్రక్రియ ఆదివారం నుంచి ప్రారంభవుతోంది. అర్దరాత్రి  వరకు యాదాద్రి జిల్లాలో 153 సర్పంచ్​ స్థానాలకు  844 నామినేషన్లు, 1286 వార్డులకు 2450 నామినేషన్లు దాఖలయ్యాయి. నల్గొండ జిల్లాలో మొత్తం నామినేషన్లు 2289నమోదయ్యాయి.   చండూరు 133, చిట్యాల 148, గట్టుపల్ 66, కనగల్ 209, కట్టంగూర్ 125, కేతేపల్లి 111, మర్రిగూడ 137, మునుగోడు 216, నకిరేకల్ 103, నల్గొండ 153, నాంపల్లి 261, నార్కెట్ పల్లి 231, శాలి గౌరారం 199, తిప్పర్తి 197 వార్డ్ మెంబర్స్ కు చివరి రోజు 5845 నామినేషన్లు నమోదు కాగా మొత్తం 6854 నామినేషన్లు నమోదైంది. 

చండూరు 440, చిట్యాల 590, గట్టుపల్ 239, కనగల్ 558, కట్టంగూర్ 351, కేతేపల్లి 312 మర్రిగూడ 363, మునుగోడు 640, నకిరేకల్ 353, నల్గొండ 437, నాంపల్లి 735, నార్కెట్ పల్లి 708, శాలి గౌరారం 605, తిప్పర్తి 523 నామినేషన్లు నమోదయ్యాయి.

రెండో విడతలో పంచాయతీ ఎన్నికలు

జిల్లా    మండలాలు    జీపీలు    వార్డులు

యాదాద్రి    5    150    1332

సూర్యాపేట    8    181    1628

నల్గొండ    10    282    2418

యాదాద్రి జిల్లా నామినేషన్లు ఇలా.

మండలం    జీపీలు    సర్పంచ్​    వార్డు

ఆలేరు    16    101    276

రాజాపేట    23    156    433

యాదగిరిగుట్ల    23    171    524

ఆత్మకూరు(ఎం)    23    89    237

బొమ్మల రామారం    35    198    564

తుర్కపల్లి      33    129    416