హైదరాబాద్, వెలుగు: జూబ్లీహిల్స్ ఉప ఎన్నికలో పార్టీ నేతల మధ్య సమన్వయం కోసం కాంగ్రెస్ రాష్ట్ర వ్యవహారాల ఇన్చార్జ్ మీనాక్షి నటరాజన్ 16 మంది పార్టీ నేతలతో కో ఆర్డినేషన్ కమిటీ నియమించింది. హైదరాబాద్లో పీసీసీ చీఫ్ మహేశ్ కుమార్ గౌడ్ ఆదివారం మీడియాకు ఒక ప్రకటనలో కమిటీ వివరాలు వెల్లడించారు.
చైర్పర్సన్గా హైదరాబాద్ మేయర్ గద్వాల విజయలక్ష్మి, కో చైర్మన్గా మాజీ ఎమ్మెల్యే ఈరవత్రి అనిల్ను నియమించారు. మరో 14 మంది పార్టీ నేతలతో కమిటీని ఏర్పాటు చేశారు. జూబ్లీహిల్స్ ఎన్నిక సందర్భంగా మొత్తం 7 డివిజన్లలో ప్రచార బాధ్యతల్లో ఉన్న వారితో ఈ కమిటీ ఎప్పటికప్పుడు సమన్వయం చేయనున్నది.
