- ఇప్పటికిప్పుడు ప్రమాదమేమీ లేదని నిపుణులు చెప్పిన్రు
- కాంగ్రెస్ కు ఓటేస్తే మళ్లీ టార్చ్ లైట్లు పట్టాల్సిందే
- ప్రణాళిక సంఘం ఉపాధ్యక్షుడు బోయినపల్లి వినోద్కుమార్
హనుమకొండ, వెలుగు : టెక్నికల్ మిస్టేక్ వల్లే మేడిగడ్డ లక్ష్మీ బ్యారేజ్డ్యామేజ్ అయ్యిందని, అయినా దానితో ఇమ్మిడియేట్డేంజర్ ఏమీ లేదని నిపుణులు చెబుతున్నారని రాష్ట్ర ప్రణాళిక సంఘం ఉపాధ్యక్షుడు బోయినపల్లి వినోద్కుమార్ అన్నారు. తెలంగాణ ఇచ్చామని కాంగ్రెస్ గొప్పలు చెప్పుకుంటోందని, కానీ సీఎం కేసీఆర్ నేతృత్వంలో అన్ని పార్టీల మద్దతు కూడగట్టి తెలంగాణ తెచ్చామని స్పష్టం చేశారు. హనుమకొండ కాకతీయ కాలనీలో వరంగల్ పశ్చిమ నియోజకవర్గ బీఆర్ఎస్ అభ్యర్థి, ఎమ్మెల్యే వినయ్భాస్కర్ తో కలిసి శుక్రవారం ఎన్నికల ప్రచారం నిర్వహించారు. అంతకుముందు కాకతీయ కాలనీలోని ఆయన ఇంట్లో నిర్వహించిన మీడియా సమావేశంలో వినోద్ కుమార్ మాట్లాడారు. 2014లో అప్పటి కాంగ్రెస్ సీఎం కిరణ్కుమార్ రెడ్డి తెలంగాణ వస్తే రాష్ట్రంలో కరెంట్ ఉండదని అసెంబ్లీ సాక్షిగా చెప్పారని, ఇప్పుడు 3 గంటల కరెంట్ చాలని రేవంత్ రెడ్డి ప్రకటనలు చేస్తున్నారన్నారు. ఒకవేళ కాంగ్రెస్కి ఓటేస్తే రైతులు మళ్లీ టార్చ్లైట్లు పట్టుకుని పొలాలకు వెళ్లాల్సిన పరిస్థితి వస్తుందన్నారు. ‘2014 నుంచి ఇప్పటి వరకు ఎక్కడా ఒక్క సెకండ్ కూడా కర్ఫ్యూ లేదు.144 సెక్షన్ పెట్టలే.. మత కలహాలు జరగలే’ అని చెప్పుకొచ్చారు. రాష్ట్రంలో జాబ్రిక్రూట్మెంట్స్ చేయడం లేదన్నట్లుగా కాంగ్రెస్.. యువతను పక్కదారి పట్టిస్తోందని మండిపడ్డారు.
రాష్ట్రంలో ఇప్పటివరకు 1.33 లక్షల ఉద్యోగాలు ఇచ్చామని, అందులో 88 వేల ఉద్యోగాలకు పబ్లిక్సర్వీస్ కమిషన్ నోటిఫికేషన్లు ఇచ్చిందన్నారు. కొంతమంది ఉద్యోగులు అవినీతికి పాల్పడడం వల్ల వారిని అరెస్ట్ చేసి, మళ్లీ పరీక్షలు పెడుతున్నామన్నారు. దేశంలో ఏ రాష్ట్రం ఇవ్వనన్ని ఉద్యోగాలు ఇచ్చామన్నారు. తెలంగాణ అమరుల కుటుంబాలకు రూ.10 లక్షలు, ఉద్యోగం ఇచ్చామని, కాంగ్రెస్కు అధికారమిస్తే రాష్ట్రం కుక్కలు చింపిన విస్తరి అవుతుందన్నారు. తెలంగాణ రాకముందు కాంగ్రెస్ ప్రభుత్వం గోదావరిపై ఎస్సారెస్పీ ప్రాజెక్ట్ మాత్రమే కట్టిందని, రాష్ట్రం వచ్చినంక కాళేశ్వరం ప్రాజెక్టులో భాగంగా ఎల్లంపల్లి, అన్నారం, సుందిల్ల, మేడిగడ్డ, దుమ్ముగూడెం ప్రాజెక్టులు పూర్తి చేశామన్నారు. మిషన్ కాకతీయలో 44 వేల చెరువులు రిపేర్చేశామని, రెండేండ్లు కరువొచ్చినా వ్యవసాయానికి ఇబ్బంది లేనంత గ్రౌండ్ వాటర్ రాష్ట్రంలో ఉందన్నారు. కుడా చైర్మన్ సుందర్ రాజు యాదవ్, జిల్లా గ్రంధాలయ సంస్థ చైర్మన్ అజీజ్ ఖాన్ పాల్గొన్నారు.
