రాష్ట్రంలో బీజేపీ, కాంగ్రెస్ నేతల తీరుపై ఆగ్రహం వ్యక్తం చేశారు వ్యవసాయశాఖ మంత్రి నిరంజన్ రెడ్డి. కేంద్ర ప్రభుత్వం నిర్ణయంతోనే వరి సాగు వద్దన్నామన్నారు. రైతులు ఏ పంట వేసుకుంటారనేది వాళ్లిష్టమని... రాష్ట్ర ప్రభుత్వం మాత్రం ధాన్యం కొనదని మరోసారి క్లారిటీ ఇచ్చారు. కాంగ్రెస్ నేతలు వరి సమస్యపై సోనియాతో ఎందుకు మాట్లాడలేదని ప్రశ్నించారు నిరంజన్ రెడ్డి. రైతులు రోడ్లపై పడటానికి కేంద్రమే కారణమన్నారు. దేశంలో 8 లక్షలకు పైగా ఉద్యోగ ఖాళీలు ఉన్నాయని చెప్పారు. బీజేపీ నేతలు దొంగ దీక్షలు చేస్తున్నారని మండిపడ్డారు నిరంజన్ రెడ్డి.
