కోల్బెల్ట్, వెలుగు: రాష్ట్ర కార్మిక, గనులశాఖ మంత్రి వివేక్ వెంకటస్వామి మంగళవారం (సెప్టెంబర్ 03) చెన్నూర్నియోజకవర్గంలో పర్యటించారు. ఈ సందర్భంగా చెన్నూరు క్యాంపు ఆఫీస్లో కొలువుదీరిన గణనాథుడికి పూజలు చేశారు. జైపూర్ మండలం ఇందారంలో గణేశ్ ఉత్సావాల్లో కాంగ్రెస్ లీడర్లు, కార్యకర్తలతో కలిసి పూజలు నిర్వహించారు.
రాష్ట్ర ప్రజలు సుభిక్షంగా, సుఖసంతోషాలతో వర్ధిల్లాలని కోరుకున్నట్లు మంత్రి తెలిపారు. రామకృష్ణాపూర్లో కలెక్టర్తో కలిసి ఫిషరీస్ వాహనాన్ని ప్రారంభించారు. దివంగత మాజీ ముఖ్యమంత్రి వైఎస్ రాజశేఖర్ వర్ధంతి సందర్భంగా ఆయన ఫొటోకు పూలమాల వేసి నివాళులర్పించారు.
కోటపల్లి మండలం బబ్బరిచెలకలో కాంగ్రెస్ యువ లీడర్ నందకిశోర్ నాన్నమ్మ అసంపల్లి శంకరమ్మ ఇటీవల చనిపోగా ఆమె కుటుంబసభ్యులను మంత్రి పరామర్శించారు.
