మాలల జాతికోసం కొట్లాడుతున్నాం.. రోస్టర్ పై మాలల ఆందోళనను సీఎం దృష్టికి తీసుకెళ్తానన్నారు మంత్రి వివేక్ వెంకటస్వామి. కొట్లాడితేనే హక్కులు వస్తాయి.. కలిసి ఉంటేనే కుల వివక్షను ఎదుర్కొగలమన్నారు. నేను ఎప్పుడు న్యాయం వైపు ఉంటాన్నారు మంత్రి వివేక్ వెంకటస్వామి. ఇంఛార్జీ మంత్రిగా జూబ్లీహిల్స్ లో గెలుపు కోసం కృషి చేస్తానన్నారాయన. కష్టపడిపనిచేస్తున్న నాపై కొందరు ఓర్వలేక విమర్శలు చేస్తున్నారని ఆరోపించారు.
నిజామాబాద్ లో మాలల ఐక్యవేదిక సదస్సులో పాల్గొన్న మంత్రి వివేక వెంకటస్వామి.. మంత్రి అడ్లూరి లక్ష్మణ్ తో ఎలాంటి విభేధాలు లేవు.. మాలలు, మాదిగల మధ్య కొందరు చిచ్చు పెట్టే ప్రయత్నం చేస్తున్నారని మంత్రి వివేక్ వెంకటస్వామి అన్నారు. రాజకీయాల్లో అడ్లూరిని ప్రొత్సహించింది కాకా వెంకటస్వామినే.. ప్రజలకు సేవ చేయాలన్నదే నా లక్ష్యం.. విమర్శలను పట్టించుకోను.. అభివృద్ధి చేయడమే లక్ష్యంగా పనిచేస్తానన్నారు మంత్రి వివేక్ వెంకటస్వామి.
నిజాయితీగా వ్యాపారం చేయమని మా నాన్న కాకా వెంటకస్వామి నాకు చెప్పారు. నాకు ఎలాంటి అహంకారం లేదు.. నిస్వార్థంగా సేవ చేస్తానన్నారు మంత్రి వివేక్ వెంకటస్వామి.
