ఖానాపూర్, వెలుగు : దేశంలోనే తెలంగాణ పోలీస్ నంబర్ వన్ గా ఉందని, వారి సం క్షేమం కోసం ప్రభుత్వం ఎంతో కృషి చేస్తుందని ఎమ్మెల్యే బొజ్జు ప టేల్ తెలిపారు. పోలీసు అమరవీరుల వారోత్సవాల్లో భాగంగా శుక్రవారం ఖానాపూర్పట్టణంలోని ఎన్టీఆర్ చౌక్ నుంచి స్థానిక పోలీస్ స్టేషన్ వరకు నిర్మల్ ఎస్పీ జానకీషర్మిల, అడిషనల్ ఎస్పీ రాజేశ్ మీనాతో కలిసి ఆయన కొవ్వొత్తుల ర్యాలీ నిర్వహించారు.
అనంతరం పోలీస్ స్టేషన్ లోని అమరవీరుల స్తూపం వద్ద నివాళులర్పించారు. ఈ సందర్భంగా ఎమ్మెల్యే మాట్లాడుతూ శాంతి భద్రతల పరిరక్షణలో పోలీసులు ముందుంటారని తెలిపారు. కాంగ్రెస్ సర్కార్ అధికారంలోకి వచ్చాక ఎన్నో సంస్కరణలను తెచ్చిందన్నారు. పోలీస్ వ్యవస్థపై ప్రతి పౌరుడు నమ్మకంతో మెలగాలని సూచించారు.
ఎస్పీ మాట్లాడుతూ ప్రజలకు ఏ ఆపదొచ్చినా నిర్భయంగా స్థానిక పోలీసులను ఆశ్రయించాలన్నారు. అమరులైన పోలీసుల త్యాగాలను సమాజం ఎప్పటికీ మరువదన్నారు. కార్యక్రమంలో ఖానాపూర్ ఏ ఎంసీ వైస్ చైర్మన్ అబ్దుల్ మాజీద్, మున్సిపల్ మాజీ చైర్మన్లు సత్యం, రాజేందర్, కాంగ్రెస్ మండల, పట్టణ అధ్యక్షులు దయానంద్, రమేశ్, ఆత్మ కమిటీ చైర్మన్ సత్యం, నాయకులు తదిత రులు పాల్గొన్నారు.
