నిజామాబాద్ అర్బన్, వెలుగు: నియోజకవర్గానికి నిధులు మంజూరు చేయడంలో ప్రభుత్వం నిర్లక్ష్యం వహిస్తుందని ఎమ్మెల్యే ధన్పాల్సూర్యనారాయణ విమర్శించారు. శనివారం జిల్లా కేంద్రంలోని పార్టీ కార్యాలయంలో ఏర్పాటు చేసిన విలేకరుల సమావేశంలో ఆయన మాట్లాడారు. ప్రతిపక్ష పార్టీలకు చెందిన ఎమ్మెల్యేలకు ప్రభుత్వం నిధులు మంజూరు చేయడం లేదని తెలిపారు. తమ సమస్యలు చెప్పుకుందామంటే సీఎం రేవంత్రెడ్డి అపాయింట్మెంట్దొరకడం లేదన్నారు.
జిల్లాల్లోని లీడర్లు ప్రతి పనిలో కమీషన్లు దండుకుంటూ అవినీతికి పాల్పడుతున్నారని ఆరోపించారు. నిజామాబాద్ నగరంలోని సమస్యలపై శుక్రవారం జిల్లాకు వచ్చిన సీఎం రేవంత్రెడ్డిని కలిసి వినతిపత్రం అందజేశామన్నారు. నిజామాబాద్లోని బస్టాండ్ పూర్తిగా శిథిలావస్థకు చేరుకుందని, ప్రభుత్వ ఆస్పత్రిలో కనీస వసతులు కరువయ్యాయని చెప్పారు. నగర శివారులో ఉన్న రైల్వే బ్రిడ్జి నిర్మాణం, రింగ్రోడ్డు పనులు అర్థంతరంగా నిలిచిపోయాయని తెలిపారు.
నగరాభివృద్ధి కోసం ప్రభుత్వానికి రూ.99 కోట్లతో ప్రణాళికలు పంపించామని, వీటిపై స్పందన రాకపోతే పోరుబాట పడుతామని స్పష్టం చేశారు. సమావేశంలో బీజేపీ జిల్లా ప్రధాన కార్యదర్శి లక్ష్మీనారాయణ, నాయకులు న్యాలంరాజు, ఆనంద్రావు, నాగరాజు, వేణు, మాస్టర్శంకర్, సాయి, రఘు తదితరులు పాల్గొన్నారు.
