మునుగోడు ప్రజలు ఎదురుచూస్తున్న శుభవార్త తొందరలోనే వస్తుందని భావిస్తున్నానని ఎమ్మెల్యే కోమటిరెడ్డి రాజగోపాల్ రెడ్డి అన్నారు. పార్టీ అధిష్టానం ఏ పదవి ఇచ్చిన సంతృప్తిగా చేయడానికి సిద్ధంగా ఉన్నానని తెలిపారు. అసెంబ్లీ ఎన్నికల్లో కాంగ్రెస్ పార్టీ ఇచ్చిన హామీలు ఒక్కొక్కటిగా అన్ని నెరవేరుస్తామని వెల్లడించారు. త్వరలోనే స్థలం ఉండి ఇల్లు కట్టుకునే వారికి రూ. 5 లక్షలు, ఇంటి స్థలం లేని నిరుపేదలకు ఇందిరమ్మ ఇండ్ల ప్రక్రియ ప్రారంభం కానుందని తెలిపారు. గత బీఆర్ఎస్ ప్రభుత్వంలో లాగా మాట ఇచ్చి తప్పే ప్రభుత్వం తమది కాదన్నారు. రాబోయే ఆరు నెలల్లో చౌటుప్పల్ మున్సిపాలిటిని మోడల్ గా తీర్చిదిద్దుతానని చెప్పారు రాజగోపాల్ రెడ్డి.
