ఆదిలాబాద్ టౌన్, వెలుగు: అసెంబ్లీ ఎన్నికల్లో ఉమ్మడి ఆదిలాబాద్ జిల్లాలోబీజేపీ నాయకులు, కార్యకర్తలు పార్టీ జెండాను ఎగురవేశారని, పార్లమెంట్ఎన్నికల్లోనూ సత్తా చాటేందుకు సిద్ధం కావాలని ఆ పార్టీ పార్లమెంట్ఇన్చార్జి, ఎమ్మెల్యే పాయల్శంకర్ కోరారు. ఆదిలాబాద్పట్టణంలోని ఎస్టీయూ భవన్లో ఆయన ఆధ్వర్యంలో మంగళవారం బీజేపీ పార్లమెంట్ కోర్ కమిటీ సమావేశం నిర్వహించి మాట్లాడారు.
ప్రధాని నరేంద్ర మోదీ నాయకత్వాన్ని బలపర్చాలని పిలుపునిచ్చారు. పార్లమెంట్ ఎన్నికల్లో ఆదిలాబాద్ టికెట్ ఎవరికి వచ్చినా నాయకులు, కార్యకర్తలు పూర్తిస్థాయిలో పనిచేయాలన్నారు. పార్టీ రాష్ట్ర నాయకుడు లక్ష్మీనారాయణతోపాటు ఎంపీ సోయం బాపూరావు, ఉమ్మడి ఆదిలాబాద్ జిల్లా పార్టీ ఎమ్మెల్యేలు మహేశ్వర్రెడ్డి, రామారావు పటేల్, మాజీ ఎమ్మెల్యే రాథోడ్ బాపూరావు, మాజీ ఎంపీ రాథోడ్ రమేశ్ పాల్గొన్నారు.
