దేవరకొండ, వెలుగు: చందంపేట మండలంలోని కోరుట్ల ఘటన కాంగ్రెస్ దౌర్జన్యాలకు పరాకాష్ట అని ఎమ్మెల్యే రవీంద్రకుమార్ మండిపడ్డారు. శుక్రవారం దేవరకొండ పట్టణంలోని తన ఇంట్లో మీడియాతో మాట్లాడుతూ.. కోరుట్ల గ్రామ సర్పంచ్దొండేటి మల్లారెడ్డిపై కాంగ్రెస్ నాయకులు హత్యాయత్నం చేశారని ఆరోపించారు. గతంలో ఎన్నడూ లేని విధంగా ఒక గ్రామంపై మరో గ్రామానికి చెందిన నాయకులు దాడి చేయడం దారుణమన్నారు.
కాంగ్రెస్ నాయకుల దాడిలో తమ పార్టీకి చెందిన ఇద్దరు కార్యకర్తలు గాయపడ్డారన్నారు. బాలూనాయక్ దౌర్జన్యాలను మానుకోకపోతే బీఆర్ఎస్ కార్యకర్తలు తగిన బుద్ధి చెబుతారని హెచ్చరించారు. తాను 25 వేల మెజార్టీతో గెలవడం ఖాయమని ధీమా వ్యక్తం చేశారు.ఈ సమావేశంలో ఎంపీపీ వంగాల ప్రతాప్రెడ్డి, నేతలు టీవీఎన్ రెడ్డి, కేసాని లింగారెడ్డి, వల్లపురెడ్డి, బొడ్డుపల్లి కృష్ణ, వేముల రాజు పాల్గొన్నారు.
