పాల్వంచ, వెలుగు : ప్రభుత్వం ప్రతిష్టాత్మకంగా చేపడుతున్న సమగ్ర ఇంటింటి కుటుంబ సర్వేలో సిబ్బంది కచ్చితమైన సమాచారాన్ని సేకరించాలని భద్రాద్రికొత్తగూడెం కలెక్టర్ జితేశ్వి పాటిల్ ఆదేశించారు. శుక్రవారం పైలెర్ట్ ప్రాజెక్టు కింద మండలంలోని పునుకుల గ్రామంలో నిర్వహిస్తున్న సర్వేను ఆయన పరిశీలించారు. ఈ నెల 6 నుంచి మొదలయ్యే ఈ సర్వేలో సిబ్బంది ఎటువంటి తప్పుల్లేకుండా పూర్తి చేయాలని చెప్పారు.
పిల్లలకు ప్రభుత్వం ఆసరా!
కోవిడ్ బారినపడి తల్లిదండ్రులను కోల్పోయిన 18 ఏండ్లలోపు పిల్లలతో మండలంలోని కిన్నెర సాని ప్రాజెక్టు ఫారెస్ట్ గెస్ట్ హౌస్ లో నిర్వహించిన ముఖాముఖికి కలెక్టర్ జితేశ్ హాజరయ్యారు. వారికి ఏ సమస్య వచ్చినా ప్రభుత్వం సహకారం అందిస్తుందని భరోసానిచ్చారు. విద్యార్థులకు స్వీట్లు, ఇతర సామగ్రిని అందజేశారు. వారితో కలిసి భోజనం, బోటు షికారు చేశారు.
ఎమ్మెల్యే పరిశీలన
భద్రాచలం : దుమ్ముగూడెం మండలం సీతారాంపురంలో శుక్రవారం భద్రాచలం ఎమ్మెల్యే తెల్లం వెంకట్రావు సమగ్ర కుటుంబ సర్వేను పరిశీలించారు. సర్వే టీమ్లు గ్రామాల్లోకి వచ్చినప్పుడు ప్రతి ఒక్కరూ వారికి సహకరించాలన్నారు.
