పిట్లం, వెలుగు : సోయా ధాన్యం కొనుగోళ్లలో దళారీ వ్యవస్థ నిర్మూలనకు కొత్త పాలసీ తీసుకొచ్చి రైతులను ఆదుకోవాలని ఎమ్మెల్యే తోట లక్ష్మీకాంతారావు ప్రభుత్వాన్ని కోరారు. శనివారం అసెంబ్లీలో ఎమ్మెల్యే ప్రసంగించారు. రాష్ట్రంలోనే అత్యధికంగా జుక్కల్ నియోజకవర్గంలో సోయాబిన్ సాగవుతుందన్నారు.
సోయా రైతులు ఎదుర్కొంటున్న సమస్యలు, కేంద్ర ప్రభుత్వం అనుసరిస్తున్న రైతు వ్యతిరేక విధానాలను సభ దృష్టికి తీసుకెళ్లారు. అదునుకు కొనుగోలు సెంటర్లు ఏర్పాటు కాకపోవడంతో దళారులను ఆశ్రయించి రైతులు నష్టపోతున్నారని ఆవేదన వ్యక్తం చేశారు. నియోజకవర్గంలోని బిచ్కుందలో సోయా ప్రాసెసింగ్ యూనిట్ను ఏర్పాటు చేయాలని డిమాండ్ చేశారు.
