మంచు ఫ్యామిలీ వివాదం తారాస్థాయికి చేరింది. మూడు రోజుల నుంచి మంచు ఫ్యామిలీ గొడవ టాలీవుడ్ సర్కిల్ లో హాట్ టాపిక్ గా మారింది. డిసెంబర్ 9న మోహన్ బాబు, మంచు మనోజ్ పరస్పర ఫిర్యాదులతో ఈ వివాదం రచ్చకెక్కింది. అయితే మోహన్ బాబు ఫాంహౌస్ లో పనిచేసే మహిళ ఇంటి గుట్టును బయటపెట్టిన వీడియో ఇపుడు వైరల్ అవుతోంది.
మౌనికతో పెళ్లి ఇష్టం లేదు
మంచు ఫ్యామిలీ గొడవలపై మోహన్ బాబు ఫాంహౌస్ లో పనిచేసే మహిళ చెప్పిన విషయాలు ఏంటంటే.?.. మోహన్ బాబు, మంచు మనోజ్ గొడవపడ్డారు.తండ్రీ కొడుకులు నెట్టుకున్నారు.. మనోజ్ కు దెబ్బలు తగల్లేదు. అసలు భూమా మౌనికతో మనోజ్ రెండో పెళ్లి ఎవరికీ ఇష్టం లేదు. మోహన్ బాబు మీద చేయిపడితే విష్ణు ఊరుకోడు. ఇద్దరి అన్నదమ్ముల మధ్య చాలా రోజుల నుంచి మనస్పర్థలు ఉన్నాయి.. అసలు ఈ గొడవకు కారణం వాళ్ల స్టాఫ్. మంచు లక్ష్మి వచ్చి నచ్చచెప్పారు. అని పనిమనిషి చెప్పడం ఇపుడు హాట్ టాపిక్ గా మారింది.
ఫాంహౌస్ దగ్గర ఉద్రిక్తత
డిసెంబర్ 10న ఉదయం జల్పల్లిలోని మోహన్ బాబు ఫామ్హౌస్ దగ్గర మంచు మనోజ్ బౌన్సర్లకు, మరో వైపు విష్ణు బౌన్సర్లకు మధ్య గొడవ జరిగిన సంగతి తెలిసిందే.. మనోజ్ బౌన్సర్లను విష్ణు బౌన్సర్లు బయటకు పంపిస్తుండటంతో గొడవ జరిగింది. మౌనికతో బౌన్సర్లు వీడియో కాల్ మాట్లాడారు. గొడవ జరుగుతుండటంతో గమనించిన మంచు విష్ణు బయటకి వచ్చి బౌన్సర్లును బయటకి తోసేశారు.
ALSO READ | మోహన్ బాబు ఫ్యామిలీలో ఇంత జరుగుతుంటే మంచు లక్ష్మి పెద్ద ట్విస్టే ఇచ్చిందిగా..!
ఆస్తుల కోసం కాదు ఆత్మగౌరవం కోసం పోరాటం
మరో వైపు డబ్బు కోసం, ఆస్తి కోసం పోరాటం చేయటం లేదని, ఆత్మ గౌరవం కోసం పోరాటం చేస్తున్నానని మనోజ్ మీడియా ఎదుట చెప్పాడు. తన బిడ్డలు ఇంట్లో ఉండగా ఇలా చేయడం సరికాదని, పోలీసులు ఏకపక్షంగా వ్యవహరిస్తున్నార మనోజ్ మండిపడ్డాడు. న్యాయం కోసం తెలుగు రాష్ట్రాల ప్రభుత్వ పెద్దలను కలుస్తానని, తన భార్యాపిల్లలకు రక్షణ లేకుండా పోయిందని, అందుకే ఈ పోరాటం అని మనోజ్ కీలక వ్యాఖ్యలు చేశాడు.
పరస్పర ఫిర్యాదులు
తనపై గుర్తు తెలియని 10 మంది వ్యక్తులు దాడి చేశారని..తనకు ప్రాణహానీ ఉందని డిసెంబర్ 9న మనోజ్ పహాడీషరీఫ్ పీఎస్ లో ఫిర్యాదు చేస్తే.. మంచు మనోజ్,మౌనిక నుంచి తనకు ప్రాణహానీ ఉంది.తనకు రక్షణ కల్పించాలంటూ మోహన్ బాబు రాచకొండ సీపీకి లేఖ రాసిన సంగతి తెలిసిందే..
