మోహన్ కృష్ణ, సౌజన్య, హరిణి రెడ్డి హీరో హీరోయిన్స్‌‌గా శ్రీ లక్ష్మణ్ దర్శకత్వంలో సింగులూరి మోహన్ రావు నిర్మించిన చిత్రం ‘మోహన్ కృష్ణ గ్యాంగ్ లీడర్’. సుమన్ కీలక పాత్ర పోషించారు. జులై 7న సినిమా విడుదల కానుంది. ఈ సందర్భంగా నిర్వహించిన ప్రెస్‌‌మీట్‌‌లో సుమన్ మాట్లాడుతూ ‘రైతు సమస్యలపై తెరకెక్కిన ఈ చిత్రంలో రైతుగా నటించడం ఆనందంగా ఉంది. రైతు లేనిదే..రాష్ట్రం లేదు, దేశం లేదు. అలాంటి బర్నింగ్ ఇష్యూపై రూపొందిన ఈ చిత్రం అందరికీ నచ్చుతుంది. ‘గ్యాంగ్ లీడర్’ టైటిల్‌‌తో, చిరంజీవి అభిమాని హీరోగా నటించిన ఈ చిత్రాన్ని చిరు, పవన్ అభిమానులు బిగ్ హిట్ చేస్తారని కోరుకుంటున్నా’ అన్నారు. జై జవాన్, జై కిసాన్ అనే నినాదం ఎంత గొప్పదో ఈ చిత్రంలో చూడొచ్చు అన్నారు శ్రీ లక్ష్మణ్. ప్రొడ్యూసర్ కౌన్సిల్ సెక్రటరీ ప్రసన్న కుమార్, తెలంగాణ ఫిలిం ఛాంబర్ అధ్యక్షుడు ప్రతాని రామకృష్ణ గౌడ్, నిర్మాతలు తుమ్మలపల్లి రామసత్యనారాయణ, లక్ష్మీపతి టీమ్‌‌కి ఆల్ ద బెస్ట్ చెప్పారు.
