బ్యాంకాక్: థాయ్లాండ్లో ఘోర ప్రమాదం జరిగింది. ఫీల్డ్ ట్రిప్ నుంచి తిరిగి వస్తుండగా బస్సుకు మంటలు అంటుకోవడంతో ముగ్గురు టీచర్లతో సహా 25 మంది స్కూల్ పిల్లలు ప్రాణాలు కోల్పోయారు. ఆదివారం మధ్యాహ్నం బ్యాంకాక్ శివారులోని పతుమ్థానిలో ఈ ప్రమాదం జరిగింది.
ఉథాయ్ థాని ప్రావిన్స్లోని ఖావోఫ్రయా శంఖారామ్ స్కూల్కు చెందిన ఆరుగురు టీచర్లతో కలిసి 38 మంది స్టూడెంట్లు బస్సులో ఫీల్డ్ ట్రిప్కు వెళ్లారు. ఆదివారం తిరిగి వస్తుండగా బస్సు ముందు టైర్ పేలడంతో అదుపుతప్పి డివైడర్ను ఢీకొట్టింది. దీంతో మంటలు చెలరేగి క్షణాల్లోనే బస్సు అంతటికీ వ్యాపించాయి. ఫైర్ సిబ్బంది స్పాట్కు చేరి మంటలను అదుపు చేశారు. గాయాలైనవాళ్లను ఆస్పత్రికి తరలించారు. ముగ్గురు టీచర్లు, 16 మంది స్టూడెంట్లు ప్రాణాలతో బయటపడ్డారని అధికారులు తెలిపారు. బస్సు కంప్రెస్డ్ గ్యాస్ తో నడుస్తోందని, డివైడర్ను ఢీకొట్టినప్పుడు గ్యాస్ ట్యాంక్ పేలడంతోనే మంటలు అంటుకున్నాయని పోలీసులు ప్రాథమికంగా నిర్ధారించారు.
