- ఎంపీ రఘునందన్రావు
దుబ్బాక, వెలుగు: హైడ్రాను జిల్లాలకు విస్తరించాలని ప్రతి పక్షాలు, ప్రజల నుంచి డిమాండ్ వస్తోందని, దీనిపై ప్రభుత్వం దృష్టిపెట్టాలని ఎంపీ రఘునందన్రావు సూచించారు. సోమవారం దుబ్బాక పట్టణ పరిధిలోని చెల్లాపూర్వేణుగోపాల స్వామి ఆలయంలో సీసీ బెడ్ పనులకు ఆయన శంకుస్థాపన చేశారు. అనంతరం ఎంపీ మాట్లాడుతూ.. ఎఫ్టీఎల్, బఫర్జోన్లలో నిర్మించిన ఇళ్లను ప్రభుత్వం మాట మార్చకుండా, బ్యాంకు లోన్లు ఉన్నా, పదేండ్లుగా ఆ ఇళ్లలో నివాసం ఉంటున్నా నూటికి నూరు శాతం కూలకొట్టాల్సిందే అన్నారు.
రాష్ట్ర వ్యాప్తంగా ఉన్న చెరువుల ఎఫ్టీఎల్, బఫర్జోన్లను నిష్పక్షపాతంగా క్లియర్ చేయాలన్నారు. పేదలు చెరువుల్లో నిర్మించుకున్న ఇళ్లకు బదులుగా కోకాపేట ప్రాంతాల్లో ప్లాట్లను కేటాయించాల్సిన బాధ్యత ముఖ్యమంత్రిపై ఉందన్నారు. హైడ్రా పనితీరు నిష్పక్షపాతంగా సాగకపోతే కమిషనర్ రంగనాథ్ పదవి నుంచి దిగిపోవాలని సూచించారు. కార్యక్రమంలో కౌన్సిలర్ మల్లారెడ్డి, బీజేపీ నాయకులు సుభాష్ రెడ్డి, తిరుమల్రెడ్డి, వెంకట్గౌడ్, ప్రవీణ్, రమణారెడ్డి, నేహాల్గౌడ్, నవీన్, కనకరాజు, సాయి గౌడ్పాల్గొన్నారు.
