సుధీర్ బాబు, మాళవిక శర్మ జంటగా ‘సెహరి’ ఫేమ్ జ్ఞానసాగర్ ద్వారక దర్శకత్వంలో తెరకెక్కుతున్న పాన్ ఇండియా మూవీ ‘హరోం హర’. సుమంత్ జి నాయుడు నిర్మాత. శనివారం సుధీర్ బాబు బర్త్ డే సందర్భంగా విషెస్ చెబుతూ ఈ చిత్రం నుంచి ‘మురుగుడి మాయేరా’ అనే పాటను విడుదల చేశారు. చైతన్ భరద్వాజ్ కంపోజ్ చేసిన ఈ పాటను రఘు కుంచె పాడాడు. ప్రపంచంలో జరిగే ప్రతిచర్యకు కారణమైన మురుగన్ శక్తిని నిర్వచిస్తూ, కుప్పం యాసలో భరద్వాజ పాత్రుడు ఆకట్టుకునే లిరిక్స్ రాశాడు. సుధీర్ బాబు , సునీల్ పాత్రల మధ్య స్నేహాన్ని పాటలో చూపించారు. ఇక సూపర్ స్టార్ కృష్ణ జయంతి సందర్భంగా మే 31న సినిమాను విడుదల చేయనున్నారు.
