ఓ వైపు హీరోయిన్‌‌‌‌గా బిజీగా ఉంటూనే, మరోవైపు సోషల్ మీడియాలోనూ ఎప్పుడూ యాక్టివ్‌‌‌‌గా ఉంటుంది నభా నటేష్. డిఫరెంట్ ఫోటోషూట్స్‌ షేర్ చేసే ఆమె.. తాజాగా ప్రకృతిపై తనకున్న ప్రేమను చాటుకుంది. గురువారం ప్రపంచ పర్యావరణ దినోత్సవం సందర్భంగా నభా నటేష్.. ఓ చెట్టును కౌగిలించుకున్న ఫొటోను ఇన్‌‌‌‌స్టాగ్రామ్‌‌‌‌లో షేర్ చేస్తూ ఎమోషనల్ పోస్ట్ చేసింది. ‘ఈ రోజు ఒక చెట్టును కౌగిలించుకున్నాను.. ఆ చెట్టు కూడా నన్ను తిరిగి కౌగిలించుకుందనే భావన కలిగింది.
ఎంతో అందమైన ఈ ప్రపంచాన్ని చూసేందుకు వచ్చిన అతిథులం మనం. ఇక్కడ ప్రకృతి మనకెన్నో గొప్ప అనుభవాలు ఇస్తోంది. ఈ ప్రకృతిని, పర్యావరణాన్ని అనుభూతి చెందడం మాత్రమే మనకున్న హక్కు. ఈ సంతోషాలు ఇచ్చిన నేచర్‌‌‌‌‌‌‌‌కి రుణపడి ఉంటాను’ అని ఆమె చేసిన ఈ పోస్ట్ అందరి దృష్టిని ఆకర్షించింది.
ప్రస్తుతం పలు ఇంటరెస్టింగ్‌ ప్రాజెక్టుల్లో నటిస్తోంది నభా. నిఖిల్ హీరోగా నటిస్తున్న ‘స్వయంభు’తో పాటు ‘నాగబంధం’లో హీరోయిన్‌‌‌‌గా నటిస్తోంది. వీటితోపాటు మరికొన్ని క్రేజీ చిత్రాలు లైనప్‌‌‌‌లో ఉన్నాయి.
