నల్గొండ అర్బన్, వెలుగు : దొడ్డి కొమురయ్య వర్ధంతి సందర్భంగా నల్గొండ ఎమ్మెల్యే కంచర్ల భూపాల్రెడ్డి కోసం కలెక్టర్ వినయకృష్ణారెడ్డి వెయిట్ చేయాల్సి వచ్చింది. అయినా ఎమ్మెల్యే రాకపోవడంతో వెనుదిరిగి వెళ్లిపోయారు. మంగళవారం నల్గొండలో జరిగిన దొడ్డికొమరయ్య వర్ధంతి కార్యక్రమంలో భాగంగా హైదరాబాద్రోడ్లో ఉన్న కొమరయ్య విగ్రహానికి పూలమాల వేసేందుకు కలెక్టర్ వెళ్లారు.
కానీ, అదే టైంలో ఎమ్మెల్యే భూపాల్రెడ్డి నల్గొండ పట్టణంలో జరుగుతున్న అభివృద్ధి పనులు పరిశీలించే కార్యక్రమంలో బిజీగా ఉన్నారు. ఎమ్మెల్యే రావడం ఆలస్యమవుతుందని తెలుసుకున్న కలెక్టర్..కొమురయ్య విగ్రహానికి పూలమాల వేసి వెళ్లి పోయారు. తర్వాత వచ్చిన ఎమ్మెల్యే కొమురయ్య విగ్రహానికి నివాళులర్పించారు.
