మిస్ వరల్డ్ పోటీల్లో భారత్ తరుఫున నందిని గుప్తా.. అందాల సుందరీ బ్యాక్ గ్రౌండ్ ఇదే

హైదరాబాద్: తెలంగాణ రాజధాని హైదరాబాద్ వేదికగా జరుగనున్న 72వ మిస్ వరల్డ్ పోటీలకు సర్వం సిద్ధమైంది. 2025, మే 10 నుంచి మే 31 వరకు ఈ మిస్ వరల్డ్ పోటీలు జరగనున్నాయి. మిస్ వరల్డ్ పోటీలను అత్యంత ప్రతిష్టాత్మకంగా తీసుకున్న తెలంగాణ సర్కార్.. ఇప్పటికే ఏర్పాట్లన్నీ దాదాపు పూర్తి చేసింది చేసింది. ఎలాంటి లోటు లేకుండా ఉండేలా చర్యలు తీసుకుంటుంది. పోటీల సమయం దగ్గర పడటంతో ఒక్కొక్కరుగా అందాల భామలు హైదరాబాద్‎కు చేరుకుంటున్నారు. 

మిస్ వరల్డ్ పోటీల్లో పాల్గొనడానికి వచ్చే కంటెస్టెంట్లకు ఎయిర్ పోర్టు నుంచే ఘన స్వాగం పలుకుతున్నారు. తెలంగాణ సంస్కృతి, సాంప్రదాయాలు ఉట్టేపడేలా స్వాగత ఏర్పాట్లు చేసింది ప్రభుత్వం. ఇక్కడి వరకు బాగానే ఉన్నా.. సొంత దేశంలో జరుగుతోన్న మిస్ వరల్డ్ పోటీల్లో భారత్ తరుఫున పాల్గొనే అందాల సుందరీ ఎవరనే దానిపై చర్చ నడుస్తోంది. అయితే.. 72వ మిస్ వరల్డ్ పోటీల్లో భారత్ తరుఫున 21 ఏళ్ల నందిని గుప్తా  ప్రాతినిథ్యం వహించనుంది. 

ఎవరీ నంది గుప్తా..?

రాజస్థాన్‌కు చెందిన నందిని గుప్తా.. 2023, ఏప్రిల్ 15న మణిపూర్‌ రాజధాని ఇంఫాల్‌లో జరిగిన  ఫెమినా మిస్ ఇండియా వరల్డ్ 2023 పోటీల్లో విజేతగా నిలిచింది. తన ఆకట్టుకునే అందం, అద్భుతమైన తెలివితేటలు, దృడమైన ఆత్మవిశ్వాసంతో న్యాయనిర్ణేతలను మెప్పించి విజేతగా నిలిచింది నందిని గుప్తా. ఈ నేపథ్యంలోనే 72వ మిస్ వరల్డ్ పోటీలకు భారత్ తరుఫున ఎంపికైంది ఈ అందాల భామ. 

మిస్ వరల్డ్ పోటీలు ఎప్పుడు స్టార్ట్ అయ్యాయి..?

1951లో మిస్ వరల్డ్ పోటీలు మొదట యునెటెడ్ కింగ్‎డమ్ (బ్రిటన్)లో మొదలయ్యాయి. ఎరిక్ మోర్లీ మిస్ వరల్డ్ పోటీలను మొదట నిర్వహించారు. మిస్ వరల్డ్ కాంపిటిషన్ అత్యంత పురాతనమైన, అత్యంత ప్రతిష్టాత్మకమైన అంతర్జాతీయ అందాల పోటీలలో ఒకటి పేరు గాంచింది. 2000లో ఎరిక్ మోర్లీ మరణించడంతో మిస్ వరల్డ్ కాంపిటిషన్ నిర్వహణ బాధ్యతలను ఆయన భార్య జూలియా మోర్లీ చేపట్టారు. 

►ALSO READ | మీరు తెలంగాణ అందాలు చూడండి: మే 15న పోచంపల్లికి మిస్ వరల్డ్-2025 పోటీదారులు

2000 సంవత్సరం నుంచి ఆమెనే మిస్ వరల్డ్ అందాల పోటీలు నిర్వహిస్తున్నారు. ఇప్పటి వరకు 71 ఎడిషన్ల కంప్లీట్ అయ్యాయి. 2025లో భారత్‎లో జరగనుంది 72వ మిస్ వరల్డ్ కాంపిటిషన్. ప్రపంచ ప్రఖ్యాతిగాంచిన మిస్ వరల్డ్ అందాల పోటీలు తెలంగాణ రాజధాని హైదరాబాద్‎లో జరుగుతుండటంతో రాష్ట్రానికి ప్రపంచవ్యాప్తంగా మరింత గుర్తింపు రావడంతో పాటు పర్యాటక అవకాశాలు మరింత మెరుగుపడనున్నాయి. హైదరాబాద్ బ్రాండ్ ప్రపంచవేదికలపై మోరు మోగనుంది.