ఒకప్పుడు కామెడీ చిత్రాలతో నవ్వించిన అల్లరి నరేష్ ప్రస్తుతం వరుస సీరియస్ సబ్జెక్టులతో ప్రేక్షకుల ముందుకొస్తున్నాడు. ‘నాంది’ సినిమాతో సక్సెస్ అందుకున్న తర్వాత నరేష్ నటిస్తున్న మూవీ ‘ఇట్లు మారేడుమిల్లి ప్రజానీకం’. ఏ.ఆర్.మోహన్ దర్శకత్వంలో రాజేష్ దండా ఈ చిత్రాన్ని నిర్మిస్తున్నారు. ఆనంది హీరోయిన్‌‌‌‌గా నటిస్తోంది. వెన్నెల కిశోర్, ప్రవీణ్, సంపత్ రాజ్ కీలక పాత్రలు పోషిస్తున్నారు. ఈ చిత్రాన్ని నవంబర్ 11న విడుదల చేయనున్నట్టు ఆల్రెడీ అనౌన్స్ చేశారు. కానీ ఇప్పుడు పోస్ట్ పోన్ చేస్తూ కొత్త రిలీజ్ డేట్‌‌‌‌ను ప్రకటించారు.
నవంబర్ 25న ఈ మూవీని విడుదల చేయనున్నట్టు కన్‌‌‌‌ఫర్మ్ చేశారు. ఇందులో నరేష్ ఎలక్షన్ ఆఫీసర్‌‌‌‌‌‌‌‌గా నటిస్తున్నాడు. ఇప్పటికే విడుదల చేసిన టీజర్, సాంగ్స్ సినిమాపై అంచనాలు పెంచాయి. బాలాజీ గుత్తా కో ప్రొడ్యూసర్‌‌గా వ్యవహరిస్తున్న ఈ చిత్రానికి శ్రీచరణ్ పాకాల సంగీతం అందిస్తున్నాడు. మరోవైపు విజయ్ కనకమేడల దర్శకత్వంలో ‘ఉగ్రం’ చిత్రంలోనూ నటిస్తున్నాడు నరేష్.
