హైదరాబాద్సిటీ, వెలుగు: తెలంగాణ వర్సిటీ నుంచి నగరానికి చెందిన నాయకోటి సుజాత గురువారం పీహెచ్ పట్టా అందుకున్నారు. ఆమె ఆచార్య కరిమిండ్ల లావణ్య పర్యవేక్షణలో ‘తెలంగాణలో దేవులపల్లి రామానుజారావు స్థానం’ అనే అంశంపై పరిశోధన చేసి సిద్ధాంత గ్రంథాన్ని సమర్పించారు. ఈ సందర్భంగా సుజాత మాట్లాడుతూ.. డాక్టర్ దేవులపల్లి రామానుజరావు తెలుగు భాషాభివృద్ధి కోసం బొగ్గుల కుంటలో తెలంగాణ సారస్వత పరిషత్తు ఏర్పాటు చేసి జీవితాన్ని అంకితం చేసిన ధన్యజీవి అని అన్నారు.
పూర్వ కళల పీఠాధిపతి ప్రొఫెసర్కనకయ్య, తెలుగు అధ్యయనశాఖ అధ్యక్షుడు, పాఠ్య ప్రణాళిక సంఘం చైర్మన్ లక్ష్మణ చక్రవర్తి, హైదరాబాద్ సెంట్రల్ వర్సిటీ ప్రొఫెసర్ త్రివేణి, కంట్రోలర్ సంపత్కుమార్, ప్రొఫెసర్లు హారతి, రవీందర్ రెడ్డి, అపర్ణ, అబ్దుల్ ఖవి, గుల్ఏ రానా పాల్గొన్నారు.
