రామ్ మందిర్ నిర్మాణానికి వేల కోట్ల నిధులు!

రామ్ మందిర్ నిర్మాణానికి వేల కోట్ల నిధులు!

అయోధ్యలో రామ్ మందిర్ కోసం చేసిన ఫండ్ కలెక్షన్.. ప్రపంచంలోనే అతిపెద్ద ఫండ్ కలెక్షన్ డ్రైవ్‌గా పేరొందింది. 44 రోజుల పాటు సాగిన ఈ డ్రైవ్ ద్వారా ఇప్పటివరకు రూ .1900 కోట్ల రూపాయలకు పైగా లార్డ్ రామ్ లాలా యొక్క బ్యాంకు ఖాతాల్లో జమచేయబడింది. రామ్ మందిర్ కోసం రామ్ జన్మభూమి తీర్థ క్షేత్ర ట్రస్ట్ జనవరి 15న మకర సంక్రాంతి శుభ సందర్భంగా ఫండ్ వసూళ్లను ప్రారంభించింది. ఆ ఫండ్ రైజింగ్ కార్యక్రమం ఫిబ్రవరి 27 శనివారంతో ముగిసింది.

ఈ ఫండ్ రైజింగ్ ద్వారా శ్రీ రామ్ లాలా బ్యాంకు ఖాతాల్లో ఇప్పటివరకు రూ .1900 కోట్లకు పైగా జమ చేసినట్లు శ్రీ జన్మభూమి తీర్థ క్షేత్ర ట్రస్ట్ కోశాధికారి స్వామి గోవింద్ గిరి తెలిపారు. కాగా.. కొన్ని విరాళాల చెక్కుల ద్వారా రావడంతో వాటిని ఇంకా జమ చేయలేదని ఆయన అన్నారు. అవి కూడా కలిపితే మొత్తం వసూళ్లు రూ .2,000 కోట్లకు మించి ఉండవచ్చని ఆయన అన్నారు.

సమర్పణ్ నిధి అభియాన్ కార్యక్రమం శనివారంతో ముగిసింది. ఈ నిధి సేకరణ ద్వారా దాదాపు రూ .2500 కోట్లు వచ్చి ఉంటాయని ట్రస్ట్ సభ్యుడు డాక్టర్ అనిల్ మిశ్రా పేర్కొన్నారు. అయితే కొన్ని రాష్ట్రాల్లో ఈ డ్రైవ్ ఆలస్యంగా ప్రారంభం కావడంతో ఆయా రాష్ట్రాల్లో మరికొన్ని రోజులపాటు ఈ డ్రైవ్ కొనసాగుతుంది. ఈ డ్రైవ్ గొప్ప విజయాన్ని సాధించింది. అయోధ్యలో శ్రీ రామ్ లాలా ఆలయ నిర్మాణం కోసం వివిధ వర్గాల ప్రజలు హృదయపూర్వకంగా విరాళాలు ఇచ్చారు’ అని మిశ్రా అన్నారు.