బెల్జియంలోని లీజ్ విశ్వవిద్యాలయం నేతృత్వంలోని స్పెకులోస్(సర్చ్ ఫర్ ప్లానెట్స్ ఎక్లిప్సింగ్ అల్ట్రా కూల్ స్టార్స్) ప్రాజెక్ట్ బృందం, బర్మింగ్హామ్, కేంబ్రిడ్జ్, బెర్న, మసాచుసెట్స్ ఇన్స్టిట్యూట్ ఆఫ్ టెక్నాలజీ విశ్వవిద్యాలయాల సహకారంతో ఉత్తర చిలీలోని అటకామా ఎడారిలో ఉన్న అబ్జర్వేటరీని ఉపయోగించి స్పెకులోస్–3బీ అనే గ్రహాన్ని కనుగొన్నారు. ఈ గ్రహం భూమికి 55 కాంతి సంవత్సరాల దూరంలో ఉన్న అతి చల్లగా ఉండే ఎర్రని మరుగుజ్జు నక్షత్రం కక్ష్యలో చుట్టూ తిరుగుతోందని గుర్తించారు. ఈ ఎర్రని మరుగుజ్జు నక్షత్రం పరిమాణంలో బృహస్పతిని పోలి ఉన్నా సూర్యుడి కంటే 100 రెట్లు మసకబారిన కాంతిని విడుదల చేస్తుంది. అలాగే, సూర్యుడి ఉష్ణోగ్రతలో సగం ఉష్ణోగ్రతను కలిగి ఉంటుంది. స్పెక్యులోస్ –3బి దాని సూర్యుడి నుంచి అధిక స్థాయిలో రేడియేషన్ను పొందుతుంది.
