పాటలు పాడడం కొందరి హాబీ. మరికొందరేమో ర్యాప్ చేస్తారు. కొత్తగా సింగర్, ర్యాపర్గా కెరీర్ మొదలుపెట్టినవాళ్ల పాటల్ని ప్రపంచం మొత్తం వినాలంటే... వాటిని స్ట్రీమింగ్ ప్లాట్ఫామ్స్లో అప్లోడ్ చేయాలి. దీంతో సొంత కంటెంట్ని ఎవరూ కాపీ కొట్టలేరు. ఈ సేవల్ని ఫ్రీగా లేదా కొంత డబ్బు తీసుకుని అందించే ఆడియో డిస్ట్రిబ్యూషన్ ప్లాట్ఫామ్స్ చాలానే ఉన్నాయి. వీటి ద్వారా స్పోర్టిఫై, యాపిల్ మ్యూజిక్, అమెజాన్ ప్రైమ్ మ్యూజిక్లలో మ్యూజిక్ అప్లోడ్ చేయొచ్చు.
అమ్యూజ్: మేజర్ స్ట్రీమింగ్ ప్లాట్ఫామ్లో మ్యూజిక్ అప్లోడ్ చేయాలి అనుకునేవాళ్లకి అమ్యూజ్ బెస్ట్ ఛాయిస్. ఇందులోని ప్రత్యేక యాప్లో నిమిషాల్లోనే మ్యూజిక్ అప్లోడ్ చేయొచ్చు. అందుకోసం నాలుగు వారాల ఫ్రీ ప్లాన్ ఉంది. యూజర్లు తమ పాటలు సింగిల్స్ లేదా ఆల్బమ్స్ని అందులో అప్లోడ్ చేయాలి. ఏడాదిలో 12 పాటలు రిలీజ్ చేయొచ్చు. పాటలు బాగుంటే కొంత డబ్బు కూడా ఇస్తారు. ఇందులో అప్గ్రేడ్ ఆప్షన్ కూడా ఉంది.
డిస్ట్రోకిడ్: ఈ ప్లాట్ఫామ్ ద్వారా కొత్తవాళ్ల సంగీతం అందరికీ వేగంగా రీచ్ అవుతుంది. ఈ యాప్ సాయంతో స్పోర్టిఫై, అమెజాన్ ప్రైమ్ మ్యూజిక్, యూట్యూబ్, టైడాల్ వంటి వాటిల్లో మ్యూజిక్ అప్లోడ్ చేయొచ్చు. ముందుగా ఏడాది ఫీజు కొంత చెల్లించాలి. పాటల రీచ్ని బట్టి నెల నెలా కొంత డబ్బు వస్తుంది. సింగిల్ ఆర్టిస్ట్లు దాదాపు పదిహేనువందల రూపాయలు కట్టాలి. అదే ఇద్దరు లేదా ఐదుగురి నుంచి వంద మంది ఆర్టిస్ట్లకి వేరే ప్లాన్స్ ఉన్నాయి.
ట్యున్కోర్: దీనిలో దాదాపు నూటయాభై డిజిటల్ స్టోర్లలో మ్యూజిక్ అప్లోడ్ చేసే వీలుంది. ఇందులో సోషల్మీడియా ప్రమోషన్ కూడా చేసుకోవచ్చు. ఈ ప్లాట్ఫామ్లో ఒక ఆల్బమ్కి మొదటి ఏడాది రెండువేల రూపాయల పైన, మరుసటి ఏడాదిమూడువేల రూపాయలు కట్టాలి. సింగిల్ అయితే ఎనిమిది వందలు చెల్లించాలి. అయితే ఇందులో కట్టిన ఫీజు మొత్తం మళ్లీ చేతికొస్తుంది.
రూట్నోట్: ఇందులో మ్యూజిక్ని పదిహేను శాతం లాభాలు వచ్చేంత వరకు ఫ్రీగా డిస్ట్రిబ్యూట్ చేసుకోవచ్చు. రూట్నోట్ ప్లాన్స్లో డైరెక్ట్ సెల్లింగ్ సర్వీసెస్, రెఫరల్ అవార్డ్స్ ఫెసిలిటీ ఉంది.
సీడీబేబీ: ఈ ప్లాట్ఫామ్ ద్వారా కూడా 150 డిజిటల్ స్టోర్స్లో మ్యూజిక్ అప్లోడ్ చేయొచ్చు. డిజిటల్గానే కాకుండా సీడీల ద్వారా డిస్ట్రిబ్యూషన్ చేసుకొనే ఫెసిలిటీ ఉంది. ఇందులో ఏడాది ఫీజు కట్టాల్సిన పనిలేదు. అయితే, సింగిల్కి ఏడొందల యాభై, ఆల్బమ్కి మూడువేల ఐదొందలు కట్టాలి. ఇందులో వారం వారం డబ్బు వస్తుంది.