- విద్యార్థుల రాజకీయ పార్టీ తరఫున పోటీ
షాద్ నగర్, వెలుగు : ‘విద్యార్థుల రాజకీయ పార్టీ’ తరఫున షాద్నగర్ నియోజకవర్గం నుంచి సాయి కుమార్ సారా అనే నిరుద్యోగి నామినేషన్ దాఖలు చేశాడు. బుధవారం షాద్ నగర్ పట్టణంలో ఎన్నికల రిటర్నింగ్ అధికారికి నామినేషన్ పత్రాలు అందజేసిన తర్వాత అతను మీడియాతో మాట్లాడాడు.
తాను నామినేషన్ వేయడానికి 2 వేల నిరుద్యోగుల ఇండ్ల నుంచి ఐదు రూపాయల చొప్పున విరాళంగా తీసుకున్నట్లు తెలిపాడు. రాష్ట్ర వ్యాప్తంగా 36లక్షల మంది నిరుద్యోగులు ఉన్నారని, షాద్నగర్ నియోజకవర్గంలో 60వేల మంది ఉన్నారని వివరించాడు. అసెంబ్లీ ఎన్నికల్లో నిరుద్యోగులంతా ప్రభంజనం సృష్టిస్తారని తెలిపాడు.
