'లెహరాయి' మూవీ నుంచి మరో సాంగ్ ను రిలీజ్ చేశారు. ఇప్పటికే ఈ మూవీ నుండి విడుదల చేసిన ‘గుప్పెడంత సాంగ్’ మిలియ‌న్ వ్యూస్ తెచ్చుకుంది. ఈ స‌క్సెస్ ను పురస్కరించుకుని ‘లెహరాయి’ నుండి "నువ్వు వందసార్లు వద్దన్న" అనే మరో సాంగ్ ను కూడా మేకర్స్ విడుదల చేశారు. ఈ పాటను ఉమా మహేశ్వరరావు తమ్మిరెడ్డి రచించగా.. హరిచరణ్ పాడారు. ఈ పాటలోని "నీ మీద ప్రేమ కొలవలేనులే అది నీకు చెప్పాలంటే భాషే చాలదు తెలుసా.. గడియ కూడా నీ ఎడబాటు ఊహించడం నా తరమా" లాంటి పదాలు ప్రేక్షకులను ఆకట్టుకుంటున్నాయి.
ఎస్ఎల్ఎస్ మూవీస్ నిర్మాణ సంస్ణలో రంజిత్, సౌమ్య మీనన్ హీరో, హీరోయిన్స్ గా తెరకెక్కుతున్న చిత్రం 'లెహరాయి'. రామకృష్ణ పరమహంసను ద‌ర్శకుడిగా ప‌రిచ‌యం చేస్తూ మద్దిరెడ్డి శ్రీనివాస్ ఈ మూవీని నిర్మిస్తున్నారు. ఇందులో ధ‌ర్మపురి ఫేం గగన్ విహారి, రావు రమేష్, సీనియర్ నరేష్, అలీ నటిస్తున్నారు. ఇదివరకే ఈ మూవీ నుంచి రిలీజైన టీజర్ కు, సాంగ్స్ కు మంచి స్పందన లభించింది. సంగీత ద‌ర్శకుడు ఘంటాడి కృష్ణ ఈ చిత్రంతో ‘జీకే ఈజ్ బ్యాక్’ అన్నట్టు సెకండ్ ఇన్నింగ్స్ స్టార్ట్ చేశారు.
'లెహరాయి' సినిమాలో మొత్తం 7 సాంగ్స్ ఉన్నాయని, మంచి ఫీల్ ఉన్న క‌థతో ఈ సినిమాను తెర‌కెక్కించినట్లు ద‌ర్శకుడు రామకృష్ణ పరమహంస తెలిపారు. ఈ మూవీని నిర్మాత బెక్కం వేణుగోపాల్ సమర్పిస్తున్నారు. లెహరాయి రిలీజ్ డేట్ ను త్వరలోనే అధికారికంగా చిత్ర బృందం ప్రకటించనుంది.
నటీనటులు : రంజిత్, సౌమ్య మీనన్, గగన్ విహారి, రావు రమేష్, సీనియర్ నరేష్, అలీ,సత్యం రజెష్, జబర్దస్త్ రాంప్రసాద్.
సాంకేతిక నిపుణులు :
సమర్పకులు : బెక్కం వేణుగోపాల్
బ్యానర్ : ఎస్ ఎల్ ఎస్ మూవీస్
నిర్మాత : మద్దిరెడ్డి శ్రీనివాస్
రైటర్, డైరెక్టర్ : రామకృష్ణ పరమహంస
మ్యూజిక్ : జీకే (ఘంటాడి కృష్ణ)
డి.ఓ.పి : ఎం ఎన్ బాల్ రెడ్డి
ఎడిటర్ : ప్రవీణ్ పూడి
లిరిక్ రైటర్స్ : రామజోగయ్య శాస్త్రి, కాసర్ల శ్యామ్ , శ్రీమణి
ఫైట్ మాస్టర్ : శంకర్
కొరియోగ్రాఫర్స్ : అజయ్ సాయి
రైటర్ : పరుచూరి నరేష్
పి ఆర్.ఓ : ఏలూరు శీను, మేఘశ్యామ్
