మొన్నటివరకు వర్క్ ఫ్రం హోమ్ చేసినవాళ్లలో చాలామంది ఇప్పుడు ఆఫీసులకు వెళ్తున్నారు. అంతేకాదు.. కొందరికైతే పని వల్ల ఎక్కువ టైం ఆఫీసులో ఉండాల్సి వస్తోంది. అలా ఉండడం వల్ల కొన్ని రకాల హెల్త్ సమస్యలు వచ్చే ప్రమాదం ఉంది. పైగా ఇన్నాళ్లు ఇంట్లో పనిచేసినప్పుడు ఉన్న కంఫర్ట్స్ ఇప్పుడు ఆఫీసులో ఉండవు. అందుకని కొన్ని గాడ్జెట్స్ని ఆఫీస్ డెస్క్ దగ్గర పెట్టుకుంటే ఇబ్బంది లేకుండా పనిచేయొచ్చు.
కౌంట్డౌన్ టైమర్
ఇంట్లో బద్ధకంగా ఉంటే పర్లేదు. కానీ.. ఆఫీసు పనుల్లో బద్ధకం పనికిరాదు. అందుకే ప్రతి పనికి కొంత టైం పెట్టుకోవాలి. ఆ టైంలోగా పని పూర్తి చేయాలి. అందుకోసం ఇలాంటి టైమర్లను వాడితే సరిపోతుంది. ఇది సెట్ చేసిన టైంని కౌంట్ డౌన్ చేస్తుంది. దీన్ని మీ వర్క్ టేబుల్ మీద పెట్టుకుంటే.. ఎప్పటికప్పుడు ఎంత టైంలోపు పని పూర్తి చేయాలనేది చూపెడుతుంది. దీనికి ఎల్సీడీ డిస్ప్లే, 6 ప్రి–సెట్ కౌంట్డౌన్లు, స్పీకర్ ఉంటాయి.
ధర: 400 రూపాయల నుంచి మొదలు
పోర్టబుల్ పవర్ స్టేషన్
ఈ మధ్య పోర్టబుల్ పవర్ స్టేషన్ల వాడకం పెరిగింది. ఇది దాదాపు అన్ని రకాల గాడ్జెట్స్ని ఛార్జ్ చేయగలుగుతుంది. కరెంట్ లేనప్పుడు, ఛార్జింగ్ అడాప్టర్ ఇంట్లో మరిచిపోయినప్పుడు ఉపయోగపడుతుంది. ఆఫీస్లోనే కాదు.. అవుట్ డోర్,పిక్నిక్కి వెళ్లినప్పుడు కూడా ఇది వెంట ఉంటే ఛార్జింగ్ గురించి ఆలోచించాల్సిన అవసరం ఉండదు. ఎకో ఫ్లో తీసుకొచ్చిన ఈ మాడ్యులర్ పోర్టబుల్ పవర్ స్టేషన్లో 600 వాట్స్ పవర్ కెపాసిటీ ఉంటుంది. అంతేకాదు.. 288వాట్ అవర్ బేస్ బ్యాటరీ కెపాసిటీ, 1200 వాట్స్ సర్జ్ కెపాసిటీ ఉంటాయి. గంటలో 0 నుండి 80% ఛార్జ్ అవుతుంది. ధర: 18,000 రూపాయలు
ఎలిప్టికల్ మెషిన్
ఉద్యోగం చేసేవాళ్లలో ఎక్కువమంది టైంతో పాటు పరుగులు పెడుతుంటారు. దాంతో వర్కవుట్స్ చేసే టైం ఉండదు. పైగా ఆఫీసులో ఒకేచోట చాలా టైం కూర్చోవాలి. అలాంటివాళ్లకు హెల్త్ ప్రాబ్లమ్స్ వస్తుంటాయి. అందుకే పనితోపాటు ఎక్సర్సైజ్ కూడా చేయాలి. అదెలా అంటారా? అందుకోసం ఈ క్యూబి ఎలిప్టికల్ మెషిన్ని ఆఫీస్లో మీరు కూర్చునే సీటు దగ్గర పెట్టుకోవాలి. క్యూబి కంపెనీ తీసుకొచ్చిన ఈ పోర్టబుల్ ఎలిప్టికల్ మెషిన్ని టేబుల్ లేదా కుర్చీ కింద పెట్టుకోవచ్చు. ఇది వాడడం వల్ల కీళ్ల మీద కూడా ఎలాంటి ఎఫెక్ట్ ఉండదు.
ఎప్పుడు కావాలంటే అప్పుడు ఎక్సర్సైజ్ చేయొచ్చు. ఇందులో 8 మోడ్స్ ఉంటాయి. ఎల్సీడీ డిస్ప్లే ఉంటుంది. అందులో పెడల్ డిస్టెన్స్, ఎన్ని క్యాలరీ ఖర్చయ్యాయి అనేది చూపిస్తుంది. అంతేకాకుండా... ఈ మెషిన్ను మొబైల్ యాప్ నుంచి కూడా ఆపరేట్ చేయొచ్చు. ఇన్ఫర్మేషన్ను ట్రాక్ చేయొచ్చు.
ధర: 27,000 రూపాయలు
సీట్ కుషన్
ఆఫీసుల్లో పనిచేసే చాలామందికి ‘కుర్చీ’ పెద్ద సమస్య. కావాల్సినంత ఎత్తు, కంఫర్ట్ ఉండవు. అందుకే ఎవర్లాస్టింగ్ కంఫర్ట్ కంపెనీ సీట్కుషన్ని అందుబాటులోకి తెచ్చింది. ఇది చాలా సౌకర్యంగా ఉంటుంది. దీన్ని ప్యూర్ మెమరీ ఫోమ్తో తయారు చేశారు. ఏ వయసు వాళ్లకైనా సరిపోతుంది. దీనివల్ల ఒత్తిడి నుంచి దూరంగా ఉండొచ్చు. 17-అంగుళాల పొడవు,14-అంగుళాల వెడల్పు, 2- అంగుళాల ఎత్తు ఉంటుంది. ఏ కుర్చీలో అయినా వేసుకోవచ్చు. ఇది వేడిని కూడా బాగా తగ్గిస్తుంది. టైల్ బోన్, లోయర్ బ్యాక్, సయాటికా పెయిన్ ఉన్న వాళ్లు దీన్ని వాడితే రిలీఫ్ ఉంటుంది.
ధర: 1600 రూపాయలు