కూసుమంచి/ ఎల్కతుర్తి, వెలుగు: జనగణన ప్రక్రియను మంగళవారం ఉన్నతాధికారులు పరిశీలించారు. ఖమ్మం జిల్లా కూసుమంచి మండల కేంద్రంలో జరుగుతున్న జనగణనను ఖమ్మం కలెక్టర్ దివాకర పరిశీలించారు. అంతకుముందు ఆయన కూసుమంచి, తిరుమలాయపాలెం తహసీల్దార్ ఆఫీసులను సందర్శించి రెవెన్యూ శాఖ మంత్రి పొంగులేటి శ్రీనివాసరెడ్డి చేపట్టిన ప్రజాదర్భార్ కార్యక్రమానికి ప్రజల నుంచి వచ్చిన వినతులపై సమీక్షించారు.
హనుమకొండ జిల్లా ఎల్కతుర్తి మండలం దామెర, బావుపేటలో నిర్వహిస్తున్న గృహ గణన ప్రక్రియను ఆర్డీవో, అడిషనల్ సెన్సెస్ ఆఫీసర్ రాథోడ్ రమేశ్పరిశీలించారు. ఎల్కతుర్తి మండలంలోని 13 గ్రామాల పరిధిలోని 20 గ్రామ పంచాయతీల్లో 70 మంది ప్రభుత్వ ఉపాధ్యాయులు ఎన్యుమరేటర్లుగా విధులు నిర్వహిస్తున్నారని, 12 మంది సూపర్వైజర్లు పర్యవేక్షిస్తున్నారని తెలిపారు.
