- జమ్మూకాశ్మీర్ సీఎం ఒమర్ అబ్దుల్లా
శ్రీనగర్: జమ్మూకాశ్మీర్కు రాష్ట్ర హోదా కోసం తాను రాజీపడబోనని సీఎం ఒమర్ అబ్దుల్లా పేర్కొన్నారు. బీజేపీతో పొత్తు పెట్టుకుంటేనే రాష్ట్ర హోదా ఇస్తామని అంటే.. సీఎం పోస్టుకు రాజీనామా చేస్తా కానీ ఆ పార్టీతో కలవబోనని స్పష్టం చేశారు. మంగళవారం అనంతనాగ్ జిల్లాలోని అచాబల్ ఏరియాలో జరిగిన కార్యక్రమంలో అబ్దుల్లా మాట్లాడారు.
‘‘బీజేపీతో పొత్తు పెట్టుకుని, ప్రభుత్వం లో దానికి భాగస్వామ్యం కల్పిస్తే బహుశా కాశ్మీర్కు రాష్ట్ర హోదా తొందరగా వస్తుందేమో. కానీ, దానికోసం నేను రాజకీయంగా రాజీ పడలేను. ఒకవేళ దానికి మీరు సిద్ధపడితే చెప్పండి. నేను రిజైన్చేస్తా.
ఎమ్మెల్యేల్లో ఎవరినైనా సీఎంగా ఎన్నుకుని బీజేపీతో కలిసి ప్రభుత్వాన్ని ఏర్పాటు చేయండి” అని చెప్పారు.
