ఢిల్లీ: శ్రద్ధ వాకర్ హత్య కేసు విచారణను పోలీసులు వేగంగా పుర్తి చేస్తున్నారు. సోమవారం అఫ్తాబ్కు రోహిణిలోని డాక్టర్ బాబా సాహెబ్ అంబేద్కర్ హాస్పిటల్లో నార్కో టెస్టు చేసే అవకాశం ఉంది. మంగళవారంతో 5రోజుల పోలీస్ కస్టడీ ముగుస్తుంది. ప్రీ నార్కో టెస్టులో అఫ్తాబ్ మానసిక ప్రవర్తన చూశాకే ఫైనల్ నార్కో టెస్టు చేస్తారు. పోలీసుల నుంచి నార్కో టెస్టుపై ఎలాంటి సమాచారం లేదని డాక్టర్లు చెప్పారు. ఇంకా డేట్ ఫిక్స్ చేయలేదన్నారు. అఫ్తాబ్ ఫిజికల్లీ, మెంటల్లీ, ఎమోషనల్లీ, సైకలాజికల్లీ ఫిట్గా ఉన్నట్టు మెడికల్ ఆఫీసర్ నిర్ధారిస్తేనే నార్కో టెస్టు చేస్తామన్నారు. బ్రెయిన్ మ్యాపింగ్, పాలీగ్రాఫ్ టెస్ట్కు అఫ్తాబ్ అనుమతి కీలకమని చెప్పారు.
పరారీలో అఫ్తాబ్ ఫ్యామిలీ
అరెస్టుకు ముందే అఫ్తాబ్ తన ఫ్యామిలీని దివాళీ టైంలో వసాయ్ నుంచి మీరా రోడ్ సొసైటీకి షిఫ్ట్ చేశాడు. డీ బ్లాక్లోని 11వ అంతస్తులో అఫ్తాబ్ఫ్యామిలీ ఉండేదని, వారం రోజుల నుంచి ఫ్లాట్కు తాళంవేసి ఉందని పక్కింటోళ్లు పోలీసులకు చెప్పారు. 2020 డిసెంబర్లో శ్రద్ధకు హెల్ప్ చేసిన రాహుల్ రాయ్, గాడ్విన్ స్టేట్మెంట్లను ఢిల్లీ పోలీసులు రికార్డు చేశారు. కాగా, సౌత్ ఢిల్లీలోని అఫ్తాబ్, శ్రద్ధ ఇంటి నుంచి పోలీసులు కొన్ని బట్టలతో పాటు పదునైన ఆయుధాలను కలెక్ట్ చేసి ఎగ్జామినేషన్కు పంపించారు. హత్య జరిగిన టైంలో శ్రద్ధ, అఫ్తాబ్ వేసుకున్న డ్రెస్సులు మాత్రం దొరకలేదు. మెహ్రౌలీ అడవిలో శ్రద్ధ బాడీ పార్ట్స్ కోసం పోలీసులు ఇంకా వెతుకుతున్నారు.
