- నాగర్కర్నూల్ జిల్లా ఉప్పునుంతల మండలంలో ఆఫీసర్ల నిర్లక్ష్యం
ఉప్పునుంతల, వెలుగు: ఒకే ఊరు.. ఒకే వార్డు.. ఒకే వ్యక్తికి నాలుగు ఓట్లు ఉండడం చర్చనీయాంశంగా మారింది. నాగర్కర్నూల్ జిల్లా ఉప్పునుంతల మండలం గువ్వలోనిపల్లి గ్రామానికి చెందిన ఒకటో వార్డులో ఓటరుగా ఉన్న దుగ్గి మధుకు సీరియల్ నంబర్ 56 నుంచి 59 వరకు ఓటరుగా నమోదయ్యాడు. దీంతో పాటు మండలంలో రెండేండ్ల కింద చనిపోయిన వారితో పాటు వివాహమై అత్తారింటికి వెళ్లిన వారి ఓట్లు అలాగే ఉన్నాయి.
అలాగే అచ్చంపేట మండలం చెన్నారం గ్రామపంచాయతీకి చెందిన వ్యక్తి ఓటు రాయిచేడు ఓటర్ లిస్టులో కనిపిస్తోంది. మండలం అధికారులు, సిబ్బంది నిర్లక్ష్యంతోనే ఓటర్ లిస్ట్ తప్పులతో నిండిపోయిందని మండల ప్రజలు పేర్కొంటున్నారు. ఈ విషయమై ఎంపీడీవో వరుణ్ తేజ్ ను సంప్రదించగా, ఎలాంటి అవకతవకలు జరగకుండా ఎన్నికలు నిర్వహిస్తామనితెలిపారు.
