న్యూఢిల్లీ: వచ్చే ఎన్నికల్లో బీజేపీని కలసికట్టుగా ఎదుర్కొనేందుకు విపక్షాలు సిద్ధమవుతున్నాయి. లోక్ సభ ఎన్నికల్లో అనుసరించాల్సిన వ్యూహంపై చర్చించేందుకు వచ్చే నెల 12న పాట్నాలో ప్రతిపక్షాలు సమావేశం కానున్నాయని విశ్వసనీయ వర్గాలు ఆదివారం తెలిపాయి. ఈ మీటింగ్ లో 18 పార్టీల నేతలు పాల్గొంటారని చెప్పాయి. ‘‘ఇది కేవలం సన్నద్ధత సమావేశం. అసలు మీటింగ్ తర్వాత ఉంటుంది” అని ఓ ప్రతిపక్ష నేత పేర్కొన్నారు. కాగా, విపక్షాలను ఏకం చేసేందుకు బీహార్ సీఎం నితీశ్ కొద్దిరోజులుగా ప్రయత్నిస్తున్నారు.
బెంగాల్ సీఎం మమత, ఢిల్లీ సీఎం కేజ్రీవాల్, ఎస్పీ చీఫ్ అఖిలేశ్తో సమావేశమయ్యారు. ఇటీవల కాంగ్రెస్ చీఫ్ ఖర్గే, రాహుల్తోనూ భేటీ అయ్యారు.
రాహుల్కు కొత్త పాస్పోర్టు రాహుల్ గాంధీకి ఆదివారం కొత్త పాస్ పోర్టు అందిందని కాంగ్రెస్ వర్గాలు పేర్కొన్నాయి. సోమవారం నుంచి రాహుల్ వారం పాటు అమెరికాలో పర్యటిస్తారు. స్టాన్ ఫోర్డ్ వర్సిటీ విద్యార్థులతో పాటు ఇండియన్ అమెరికన్లతో రాహుల్ ఇంటరాక్ట్ అవుతారు.
