యూఎస్ ఓపెన్ లో రెండో వారంలో సంచలనం చోటు చేసుకుంది. టాప్ సీడ్ ప్రపంచ నెంబర్ వన్ ర్యాంకర్ ఈగా స్వైటెక్ నాలుగో రౌండ్ లోనే ఇంటి దారి పట్టింది. టైటిల్ ఫేవరేట్ గా బరిలోకి దిగిన స్వైటెక్ కి 20 వ సీడ్ ఒస్తాపెంకో షాక్ ఇచ్చింది. తొలి సెట్ (6-3)ని సులభంగానే నెగ్గిన స్వైటెక్ ఆ తర్వాత రెండు సెట్లలో(3-6, 1-6) తన అత్యున్నత ఆట తీరు ప్రదర్శించలేక చతికిలపడిపోయింది. స్వైటెక్ తన సర్వీస్ ని ఏకంగా 7 సార్లు కోల్పోగా.. చివరి రెండు సెట్లలో పదే పదే అనవసర తప్పిదాలతో మూల్యం చెల్లించుకుంది. దీంతో ఒస్తాపెంకో క్వార్టర్ ఫైనల్ కి చేరుకుంది. మార్ వైపు కొక గాఫ్ 6-3, 3-6, 6-1 తేడాతో వోజ్నియాకి పై గెలుపొందింది. 10 వ సీడ్ ముచోవా, 30 వ సీడ్ సిరిస్తే కూడా క్వార్టర్ ఫైనల్లోకి అడుగు పెట్టారు.
ALSO READ :ఢిల్లీలో లాక్ డౌన్... క్లారిటీ ఇచ్చిన పోలీసులు
జొకోవిచ్ జోరు:
ఇక పురుషుల్ సింగిల్స్ విషయానికి వస్తే రెండో సీడ్, 23 గ్రాండ్ స్లామ్ టైటిళ్లు వీరుడు జొకోవిచ్ క్వార్టర్ ఫైనల్ బెర్త్ ఖరారు చేసుకున్నాడు. అన్ సీడెడ్ గోజోని 6-2,7-5,6-4 తేడాతో చిత్తుగా ఓడించాడు. 24 వ గ్రాండ్ స్లామ్ వేటలో దూసుకుపోతున్న సెర్బియన్ స్టార్ మ్యాచ్ మొత్తం మీద తన సర్వీస్ ని కేవలం ఒక్కసారే కోల్పోగా.. ప్రత్యర్థి సర్వీస్ ని 5 సార్లు బ్రేక్ చేసాడు. జొకోవిచ్ తో పాటు అమెరికన్ ఆశా కిరణం టియాఫై 6-4, 6-1,6-4 తేడాతో హైజికతపై, ఫ్రిట్జ్ 7-6(7-2), 6-4,6-4 తో స్ట్రకర్ పై నెగ్గారు. క్వార్టర్ ఫైనల్ లో జొకోవిచ్ ఫ్రిట్జ్ తో సెమిస్ బెర్త్ కోసం అమీ తుమీ తేల్చుకోనున్నాడు. మరో క్వార్టర్స్ లో షెల్టాను తో టియాఫై తలపడతాడు.
