చూడముచ్చటగా ఉండే తెలుగింటి అమ్మాయిలా పట్టుపరికిణితో ‘బ్రహ్మోత్సవం’ సినిమాలో కనిపించి ఆకట్టుకుంది అవంతిక. తెలుగు, ఇంగ్లీష్ భాషలు గడగడా మాట్లాడగలదు. యాక్టింగ్ కోసం ఎంతైనా కష్టపడుతుంది. ఆ హార్డ్వర్క్ వల్లే హాలీవుడ్లోనూ ఛాన్స్లు కొట్టేసింది. ఈ నెలలో ఇండిపెండెన్స్డే రోజు రిలీజ్ అవుతున్న స్పిన్ అనే ఫిల్మ్లో లీడ్ రోల్ చేసింది.
అవంతిక వందనపు ఇండియన్ అమెరికన్ అమ్మాయి. పుట్టింది కాలిఫోర్నియాలో. 2015లో 12 ఏళ్లప్పుడు అవంతిక ఇండియా వచ్చింది. అప్పుడు సినిమాల్లో చైల్డ్ ఆర్టిస్ట్‌‌‌‌గా చేయమని చాలా ఆఫర్లు వచ్చాయి. 2016లో తెలుగులో మహేశ్బాబు సినిమా ‘బ్రహ్మోత్సవం’లో కూడా నటించింది. ఆడిషన్ కోసం డాన్స్, యాక్టింగ్ వీడియోలు పంపిస్తే ఈ అవకాశం వచ్చిందట. అవంతిక చాలా యాక్టివ్, హార్డ్ వర్కింగ్. ఒక్కోసారి షూటింగ్ తెల్లవారుజామున మూడు గంటల నుంచి ఏడు గంటల వరకూ జరిగేది. అప్పుడు కూడా ముఖంలో ఏమాత్రం డల్నెస్ కనిపించకుండా ఎంతో యాక్టివ్గా ఉండేదట. 2018లో తిరిగి అమెరికా వెళ్లిపోయింది అవంతిక.
డిస్నీలో ఛాన్స్ అలా...
అమెరికాలో యాక్టింగ్ క్లాస్లతో పాటు, ఫిల్మ్ మేకింగ్ టెక్నిక్స్ కూడా నేర్చుకుంది. డిస్నీస్ ప్రొడక్షన్ హౌస్ నుంచి ఆడిషన్కి రమ్మని ఫోన్ వచ్చింది. ఆడిషన్ అయిపోయాక, డిస్నీ తీస్తున్న ‘స్పిన్’ అనే ఫిల్మ్లో మంచి క్యారెక్టర్ వచ్చింది. ఆ సినిమా షూటింగ్ కిందటేడాది కెనడాలో స్టార్ట్ చేశారు. ఈ సినిమాలో అవంతిక పాత్ర పేరు రియా. ఎప్పుడూ కలలు కంటూ ఉంటుంది. రియా డీజేగా కనిపిస్తుంది. ఆ అమ్మాయి తన లైఫ్ని ఎలా బ్యాలెన్స్ చేసుకుంటుంది? అనే విషయాల్ని ఈ సినిమాలో చూపించబోతున్నారు లేడీ డైరెక్టర్ మంజరి మాకిజనీ. ఈ సినిమా ఆగస్టు15, ఇండిపెండెన్స్ డే రోజు విడుదల కాబోతుంది. తన యాక్టింగ్ టాలెంట్, టెక్నిక్స్ నేర్చుకోవడం, హార్డ్ వర్క్ వల్లే ఎంతోమంది యూత్కి రాని అవకాశం అవంతికకు దక్కింది అంటున్నారు ఆమెని చూసిన వారంతా. ఇప్పటికే ఆ సినిమాకు సంబంధించిన ట్రైలర్ నెటిజన్లను ఆకట్టుకుంటోంది.
హీరోయిన్ అవ్వాలని...
‘‘మంచి రోల్స్ చేయాలని ఉంది. కానీ, తెలుగులో టీనేజ్ అమ్మాయిలకు యాక్టింగ్లో పెద్దగా స్కోప్ లేదనిపించింది. చిన్న చిన్న రోల్స్ వల్ల గుర్తింపు కూడా దక్కదు. అందుకే నేను తిరిగి అమెరికా వెళ్లిపోయాను. మాలాంటి యంగ్స్టర్స్కి చదువు, యాక్టింగ్ రెండింటినీ మేనేజ్ చేయడం ఛాలెంజింగ్గానే ఉంటుంది. ఇండియాలో ఉన్నప్పుడు ఇంట్లోనే చదువుకున్నాను. అమెరికా వచ్చాక, స్కూల్కి వెళ్లేదాన్ని. నేను షూటింగ్స్లో ఉన్నప్పుడు మా పేరెంట్స్, టీచర్స్ కూడా నాకు చాలా సపోర్ట్ చేశారు. అలా ఇప్పటికీ కొన్ని తెలుగు సినిమాలతోపాటు హాలీవుడ్లో టెలివిజన్ సిరీస్లలో చేశాను. ‘మిక్కీమౌస్ మిక్స్డ్ అప్ అడ్వెంచర్స్’ సిరీస్కి వాయిస్ ఇచ్చాను. ఫ్యూచర్లో హీరోయిన్ అవ్వాలనేది నా కోరిక’’ అంటోంది అవంతిక.
నటి, డాన్సర్, సింగర్, మోడల్, డ్రాయింగ్ కూడా వేస్తుంది. ఎన్నో యాడ్స్ చేసింది.
కూచిపూడి, కథక్, జాజ్, ఇండియన్ కాంటెంపరరీ డాన్స్లన్నీ నేర్చుకుంది.
2016లో ‘బ్రహ్మోత్సవం’ సినిమాతో తెలుగులో ఎంట్రీ ఇచ్చింది.
‘మనమంతా’ సినిమాలో తెలుగు, మలయాళ భాషల్లో నటించింది. ప్రేమమ్లో ‘సింధు’ అనే పాత్రలో కనిపించింది.
2017లో ‘రారండోయ్ వేడుక చూద్దాం’లో జూనియర్ రకుల్ ప్రీత్గా, 2018లో ‘అజ్ఞాతవాసి’లో సంపత్ కుమార్ కూతురిగా నటించింది.
2014లో సిలికాన్ వ్యాలీ గాట్ టాలెంట్ అవార్డు గెలిచింది.
బ్రహ్మోత్సవం సినిమా ప్రమోషన్స్లో మహేశ్ బాబును, కాజల్ అగర్వాల్‌‌‌‌ని ఇంటర్య్యూ చేసింది.
‘స్వేచ్ఛ’, ‘ప్రజా హక్కు’ అనే షార్ట్ ఫిల్మ్స్లో నటించింది. చిత్రపురి ఫిలిం ఫెస్టివల్లో ఉత్తమ నటి పురస్కారం అందుకుంది.
