- సీపీఐ రాష్ట్ర కార్యవర్గ సభ్యురాలు పద్మ
కామారెడ్డి టౌన్, వెలుగు: బీఆర్ఎస్హయాంలో భూకబ్జాలకు పాల్పడిన వారిపై చర్యలు తీసుకోవాలని సీపీఐ రాష్ట్ర కార్యవర్గ సభ్యురాలు పశ్య పద్మ డిమాండ్ చేశారు. ఆదివారం కామారెడ్డిలో జిల్లా విస్తృత స్థాయి సమావేశం నిర్వహించారు. పద్మ మాట్లాడుతూ.. ధరణి వెబ్సైట్లో పేర్లు లేవని చెప్పి కామారెడ్డి, ఎల్లారెడ్డి, బాన్సువాడ నియోజకవర్గాల్లో చాలా మంది నిరుపేదల భూములను లాక్కున్నారని ఆరోపించారు.
కామారెడ్డి టౌన్లో పలు చోట్ల భూములను అక్రమించి రియట్ఎస్టేట్ చేస్తున్నారని అన్నారు. వీరిపై చర్యలు తీసుకోవాలని డిమాండ్చేశారు. పార్లమెంట్ఎన్నికల దష్ట్యా కేంద్రంలోని నరేంద్రమోదీ ప్రభుత్వం అయోధ్యలో రాముడి గుడి నిర్మాణం పేరుతో ఓటర్లకు గాలం వేస్తోంన్నారన్నారు. కోట్ల సంఖ్యలో ఉద్యోగాలు కల్పిస్తామన్న హామీలు ఏమయ్యాయని ప్రశ్నించారు. అధికారంలోకి వస్తే వంద రోజుల్లో హామీలను నెరవేరుస్తామన్న కాంగ్రెస్ మాట నిలబెట్టుకోవాలని కోరారు.
ఇటీవల సీపీఐ జిల్లా కార్యదర్శి ఇంటిపై దాడికి పాల్పడిన వారిపై చర్యలు తీసుకోవాలన్నారు. పార్టీ సీనియర్ లీడర్వీఎల్ నర్సింహారెడ్డి, జిల్లా కార్యదర్శి ఎల్. దశరథ్, లీడర్లు నర్సింలు, దేవయ్య, పుష్పలత, శ్యామల,ఈశ్వర్, శివప్రసాద్పాల్గొన్నారు.
