కొమురవెల్లి, వెలుగు: శ్రీ క్రోధి నామ ఉగాది సందర్భంగా కొమురవెల్లి మల్లికార్జున స్వామి ఆలయంలో ఘనంగా పంచాంగ శ్రవణం నిర్వహించారు. మంగళవారం ఉదయం ఏకాదశ రుద్రాభిషేకం నిర్వహించిన తర్వాత పంచాంగాన్ని వినిపించారు. ఈ ఏడాది శ్రీ మల్లికార్జునస్వామికి ఆదాయం 2 , వ్యయం 14 ఉంటుందని, క్షేత్ర అభివృద్ధి కోసం ఎక్కువ ఖర్చు జరుగుతుందని పండితులు చెప్పారు.
ఈ ఏడాది అనేక శుభాలు జరుగుతాయన్నారు. క్రోధం కూడా భగవత్ స్వరూపమేనని, అధర్మం మీద ఈశ్వర క్రోధం ఉంటుందన్నారు. ఈ సంవత్సరం అందరికి స్వామి వారి ఆశీస్సులుండాలని, రాష్ట్రం, దేశం సర్వతోముఖాభివృద్ధి చెందాలని స్వామివారిని అర్చకులు ప్రార్థించారు. కార్యక్రమంలో ఆలయ చైర్మన్ పర్పటకం లక్ష్మారెడ్డి, ఏఈఓ బుద్ధి శ్రీనివాస్, ప్రధాన అర్చకులు మహదేవుని మల్లికార్జున్, ధర్మకర్తలు తాళ్లపల్లి రమేశ్, శ్రీనివాస్ రెడ్డి, లింగంపల్లి శ్రీనివాస్, పాల్గొన్నారు.
