ఆస్ట్రేలియా వన్డే, టెస్ట్ కెప్టెన్ పాట్ కమ్మిన్స్ ఇంగ్లాండ్ తో జరగబోయే ప్రతిష్టాత్మక యాషెస్ సిరీస్ కోసం ఇప్పటి నుంచే ప్రణాళికలు మొదలు పెట్టాడు. ఈ మెగా సిరీస్ కోసం క్రికెట్ కు కొన్ని నెలల పాటు బ్రేక్ ఇవ్వబోతున్నాడు. పని భారం కారణంగా కొన్ని నెలల పాటు క్రికెట్ కు దూరంగా ఉండాలనే నిర్ణయం తీసుకున్నాడు. నవంబర్ 21 నుంచి యాషెస్ స్టార్ట్ అవుతుంది. సొంతగడ్డపై జరగబోయే ఈ టెస్ట్ సిరీస్ ను ఎలాగైనా గెలవాలనే పట్టుదలతో ఆస్ట్రేలియా ఉంది. ఈ మెగా సిరీస్ కోసం టీమిండియాతో జరగబోయే పరిమిత ఓవర్ల క్రికెట్ కు దూరంగా ఉండే అవకాశాలు కనిపిస్తున్నాయి.
టెస్ట్ కెప్టెన్ గా కమ్మిన్స్ 5 టెస్ట్ మ్యాచ్ లు ఆడాలంటే అతనికి రెస్ట్ కావాల్సి ఉంది. దీంతో యాషెస్ కోసం స్వదేశంలో టీమిండియాతో జరగబోయే మూడు వన్డేలు, 5 టీ20 మ్యాచ్ ల సిరీస్ ను తక్కువగా అంచనా వేస్తున్నట్టు సమాచారం. అక్టోబర్ 19 నుంచి ఇండియాతో పరిమిత ఓవర్ల సిరీస్ ప్రారంభం కానున్న సిరీస్ ఆడేందుకు కమ్మిన్స్ ఆసక్తిగా లేనట్టు సమాచారం. యాషెస్ సిరీస్ గెలిస్తే ఆస్ట్రేలియా టెస్ట్ ఛాంపియన్ షిప్ లో టాప్ లోకి వెళ్లొచ్చు. ఇప్పటికే వెస్టిండీస్ తో జరిగిన మూడు మ్యాచ్ ల టెస్ట్ సిరీస్ ను ఆస్ట్రేలియా క్లీన్ స్వీప్ చేసి డబ్ల్యూటీసీ ఫైనల్ పాయింట్ల పట్టికలో అగ్ర స్థానంలో ఉంది.
ప్రస్తుతం వెస్టిండీస్ తో జరగబోయే 5 టీ 20 మ్యాచ్ ల సిరీస్ కు తాను అందుబాటులో ఉండదని కమ్మిన్స్ ఇప్పటికే ప్రకటించాడు. ఇటీవలే శనివారం (జూలై 12) న సౌతాఫ్రికాతో జరగబోయే వైట్ బాల్ సిరీస్ కు దూరంగా ఉంటానని కన్ఫర్మ్ చేశాడు. సౌతాఫ్రికాతో ఆస్ట్రేలియా మూడు వన్డేలు.. మూడు టీ20 మ్యాచ్ లు ఆడాల్సి ఉంది. తాను నెల నుంచి ఆరు వారాల పాటు ఎలాంటి క్రికెట్ ఆడబోనని.. ఈ క్రమంలో తన ఫిట్ నెస్ పై పూర్తి ఫోకస్ పెడతానని కమ్మిన్స్ తెలిపాడు. సమ్మర్ లో సొంతగడ్డపై జరగబోయే యాషెస్ సిరీస్ కు ఇప్పటి నుంచే సిద్ధంగా ఉండాలని చెప్పుకొచ్చాడు.
►ALSO READ | Andre Russell: 15 ఏళ్ళ మెరుపులకు ముగింపు: అంతర్జాతీయ క్రికెట్కు రస్సెల్ రిటైర్మెంట్
న్యూజిలాండ్, ఇండియాతో జరగబోయే సిరీస్ లకు తాను అందుబాటులో ఉండే అవకాశం ఉందని హింట్ ఇచ్చినప్పటికీ తాజాగా ఈ రెండు సిరీస్ లకు కమ్మిన్స్ దూరమయ్యే అవకాశాలు ఉన్నట్టు సమాచారం. యాషెస్ సన్నాహకాల్లో భాగంగా ఆస్ట్రేలియా డొమెస్టిక్ క్రికెట్ షెఫీల్డ్ షీల్డ్ టోర్నీ ఆడొచ్చని తెలిపాడు. ఐపీఎల్ టోర్నీ.. ఆ తర్వాత టెస్ట్ ఛాంపియన్ షిప్.. వెస్టిండీస్ తో రెండు మ్యాచ్ ల సిరీస్ తో కమ్మిన్స్ గత నాలుగు నెలలుగా బిజీ క్రికెట్ ఆడుతున్నాడు.
