ముల్లన్ పూర్ వేదికగా రాజ‌స్థాన్ రాయల్స్ తో జరుగుతున్న మ్యాచ్ లో పంజాబ్ టాఫార్డర్ బ్యాటర్లు మరోసారి విఫలమయ్యారు. రాయల్స్ బౌలర్లను ఎదుర్కోలేక పెవిలియ‌న్‌కు క్యూ క‌ట్టారు. దీంతో పంజాబ్ నిర్ణీత 20 ఓవర్లలో 8 వికెట్లు కోల్పోయి 147 పరుగులకే పరిమితమైంది.
టాస్ ఓడి బ్యాటింగ్‌కు దిగిన పంజాబ్ కింగ్స్‌ను అవేశ్ ఖాన్ ఆదిలోనే దెబ్బకొట్టాడు. ఓ చక్కని బంతితో అధ‌ర్వ తైడే(15)ని పెవిలియన్ చేర్చాడు. కొద్దిసేపటికే చాహల్.. ప్ర‌భ్‌సిమ్రాన్ సింగ్(10)ను వెన‌క్కి పంపాడు. ఆపై కేశవ్ మ‌హ‌రాజ్.. జానీ బెయిర్‌స్టో(15), సామ్ కర్రన్(6)లను ఔట్ చేసి పంజాబ్ శిబిరంలో కలకలం రేపాడు. దీంతో కింగ్స్ 52 పరుగులకే 4 కీల‌క వికెట్లు కోల్పోయింది. ఆ సమయంలో జితేష్ శర్మ(29; 24 బంతుల్లో ఒక ఫోర్, 2 సిక్స్‌లు), లియామ్ లివింగ్‌స్టోన్(21; 14 బంతుల్లో రెండు ఫోర్లు, ఒక సిక్స్), అశుతోష్ శర్మ(29; 16 బంతుల్లో ఒక ఫోర్, 3 సిక్స్‌లు) జట్టును ఆదుకున్నారు.
రాయల్స్ బౌలర్లలో కేశవ్ మహారాజ్, అవేష్ ఖాన్ రెండేసి వికెట్లు పడగొట్టగా.. ట్రెంట్ బౌల్ట్, కుల్దీప్ సేన్, యుజ్వేంద్ర చాహల్ తలా ఒక వికెట్ తీసుకున్నారు.
