- పీసీసీ చీఫ్ మహేశ్ కుమార్ గౌడ్
డిచ్పల్లి, వెలుగు: సీఎం రేవంత్ రెడ్డి తో మాట్లాడి డిచ్పల్లికి మెడికల్కాలేజీ మంజూరు చేయించేందుకు కృషి చేస్తానని పీసీసీ ప్రెసిడెంట్మహేశ్ కుమార్ గౌడ్ అన్నారు. అన్ని పత్రాలతో సీఎస్ఐ ప్రతినిధులు సిద్ధంగా ఉండాలని సూచించారు. డిచ్పల్లి సీఎంసీ కాంపౌడ్ లో ఎమ్మెల్యే భూపతిరెడ్డి తో కలిసి డాక్టర్స్ క్వార్టర్స్ ని ప్రారంభించారు.
ఈ సందర్భంగా ఆయన మాట్లాడుతూ బ్రిటీష్ కాలంలో కుష్టు వ్యాధిగ్రస్తులకు చికిత్స అందించేందుకు 200 ఎకరాల్లో సీఎస్ఐ ఆధ్వర్యంలో డిచ్పల్లి వద్ద హాస్పిటల్ ఏర్పాటు చేశారన్నారు. 2003 నుంచి 2008 వరకు ఇక్కడ మెడికల్ కాలేజీ నడిచిందని గుర్తు చేశారు. త్వరలో ఇక్కడ నర్సింగ్కాలేజీ ఏర్పాటు కానుండడం మంచి విషయమన్నారు. ప్రభుత్వంతో చర్చించి 2025 లో మెడికల్ కాలేజీ పున: ప్రారంభమయ్యేలా చర్యలు తీసుకుంటానని హామీ ఇచ్చారు.
జిల్లాకు పూర్వ వైభవం తీసుకొస్తాం
కాంగ్రెస్ పాలనలో నిజామాబాద్ జిల్లాకు పూర్వ వైభవం తీసుకొస్తామని మహేశ్ కుమార్ గౌడ్ అన్నారు. గతంలో నిజామాబాద్ జిల్లా ధనాగారంగా ఉండేదన్నారు. నిజాం షుగర్ ఫ్యాక్టరీ ఆసియాలోనే అతి పెద్దదని, దానిని గత ప్రభుత్వం తెరిపించలేదని విమర్శించారు. నిజాం సాగర్ ఆయకట్టు నిర్లక్ష్యానికి గురైందని ఆరోపించారు.
గత ప్రభుత్వ పాలనలో జిల్లా వెనుకబాటుకు గురైందని ఆగ్రహం వ్యక్తం చేశారు. జిల్లాను అన్ని రంగాల్లో అభివృద్ధి చేస్తామని చెప్పారు. అనంతరం సీఎస్ఐ ప్రతినిధులు పీసీసీ చీఫ్ ను ఘనంగా సన్మానించారు. ఉర్దూ అకాడమీ చైర్మన్తాహెర్బిన్ హందాన్, తెలంగాణ కోఆపరేటీవ్యూనియన్లిమిటెడ్ చైర్మన్మానాల మోహన్ రెడ్డి, ఏఎంసీ చైర్మన్మొప్ప గంగారెడ్డి, బిషప్ రూబెన్మార్క్, మండల అధ్యక్షుడు అమృతాపూర్గంగాధర్, శాంసన్తదితరులు పాల్గొన్నారు.
