బ్రస్సెల్స్: పదిహేనేండ్ల వయసులోనే పీహెచ్డీ పూర్తి చేశాడో బాలుడు. క్వాంటం ఫిజిక్స్పై థీసిస్ సమర్పించి... డాక్టరేట్ అందుకున్నా డు. బెల్జియం దేశానికి చెందిన లారెంట్ సైమన్స్ తన 12 ఏండ్ల వయసులోనే ఫిజిక్స్లో డిగ్రీ పూర్తి చేశాడు. ఆ డిగ్రీకి మూడేండ్ల కాలపరిమితి ఉండగా.. దాన్ని 18 నెలల్లోనే కంప్లీట్ చేశాడు. దీంతో ఆ బాలుడి ప్రతిభను గుర్తించి.. ‘లిటిల్ ఐన్స్టీన్’గా అందరూ పిలవడం మొదలుపెట్టారు.
అమెరికా, యూకే సహా పలు దేశాల యూనివర్సిటీలు తమ దగ్గర చదువుకోవాలని ఆఫర్లు ఇచ్చాయి. అయితే.. ఆంట్వెర్ప్ యూనివర్సిటీలో పీహెచ్డీ సీటు సాధించి, పరిశోధన కోసం క్వాంటం ఫిజిక్స్ను సైమన్స్ ఎంచుకున్నాడు. గత నెల థీసిస్ను సమర్పించి.. తాజాగా డాక్టరేట్ పట్టాను అందుకున్నాడు. సైమన్స్ ఐక్యూ లెవల్ 145 వరకు ఉంది.
