మరికల్, వెలుగు: ఈ ఫొటోలో కనిపిస్తున బాలుడి పేరు ఎండీ అబ్రార్. నారాయణపేట జిల్లా మరికల్కి చెందిన ఎండీ జావిద్ చిన్నకొడుకు. వయస్సు ఆరేళ్లు. పుట్టినప్పుడు 3 కిలోల బరువు ఉండగా ప్రస్తుతం 38 కిలోలు ఉన్నాడు. గతంలో న్యుమోనియా వచ్చి తగ్గాక అనూహ్యంగా బరువు పెరిగి ఇలా అయ్యాడు. అతని బరువు తగ్గించేందుకు తల్లిదండ్రులు ఇప్పటి వరకు హైదరాబాద్ సహా ఎన్నో పెద్ద హాస్పిటల్స్తిరిగారు. రూ.5లక్షల వరకు ఖర్చు చేశారు. అయినా కొంచెం కూడా తగ్గించలేకపోయారు. వృత్తిరీత్యా డ్రైవర్అయిన జావిద్.. మొదటి కొడుకు అమేర్ మూత్రనాళ సమస్యతో బాధపడుతుండగా.. రెండో కొడుకు అబ్రార్ బరువు సమస్యతో ఇబ్బంది పడుతున్నాడని వాపోతున్నాడు. టెక్నాలజీని ఉపయోగించి తన కొడుకు బరువు తగ్గించేందుకు సాయపడాలని డాక్టర్లను వేడుకుంటున్నాడు.
