అయోధ్యలోని రామ మందిరపు ప్రాణ ప్రతిష్ఠకు ఇంకా కొన్ని గంటలే ఉంది. ఈ మహా వేడుకను పురస్కరించుకుని ప్రధాని నరేంద్ర మోదీ రెండు రోజుల పర్యటన నిమిత్తం తమిళనాడుకు చేరుకుని.. పలు ఆలయాలను సందర్శిస్తున్నారు. తాజాగా ధనుష్కోడిలోని అరిచల్ మునై పాయింట్‌ను సందర్శించారు. ఇది రామసేతును నిర్మించిన ప్రదేశంగా ప్రసిద్ధికెక్కింది. ఆ తర్వాత ప్రధాని అక్కడే ధ్యానం, యోగా కూడా చేశారు. ఇక్కడి నుంచే త్రేతాయుగం నాటి రామసేతు ప్రారంభమవుతుంది.
అనంతరం మోదీ శ్రీకోదండరామ స్వామి ఆలయంలో పూజలు నిర్వహిస్తారు. కోదండరామ అంటే విల్లుతో వున్న రాముడు అని అర్ధం. ఇది ధనుష్కోడిలో ఉంది. విభీషణుడు శ్రీరాముడిని మొదటిసారి ఇక్కడే కలుసుకుని, శరణు పొందాడని చెబుతారు. శ్రీరాముడు విభీషణుడికి పట్టాభిషేకం చేసిన ప్రదేశం కూడా ఇదేనని కొన్ని పురాణాలు చెబుతున్నాయి.
అంతకుముందు ఉదయం తిరుచిరాపల్లిలోని శ్రీ రంగనాథస్వామి ఆలయాన్ని, దక్షిణాది రాష్ట్రంలోని రామేశ్వరంలోని శ్రీ అరుల్మిగు రామనాథస్వామి ఆలయాన్ని ప్రధాని సందర్శించారు. ఈ సందర్భంగా ప్రధాని రోడ్‌షోలు నిర్వహించారు. చాలా మంది ప్రజలు ప్రధాని అశ్వికదళంపై రేకుల వర్షం కురిపిస్తూ ఘన స్వాగతం పలికారు. ప్ర‌ధాన మంత్రి కూడా ప్ర‌జ‌ల‌కు చేతులు జోడించి తనపై కురిపించిన ప్రేమాభిమానాల‌కు పొంగిపోయారు.
#WATCH | Tamil Nadu: Prime Minister Narendra Modi visits Arichal Munai point in Dhanushkodi, which is said to be the place from where the Ram Setu was built. pic.twitter.com/pj0yc5t6Fg
— ANI (@ANI) January 21, 2024
