వాహనాలపై ఒకటి రెండు చలాన్లు ఉంటేనే ఎక్కడ ట్రాఫిక్ పోలీసులు పట్టుకుంటారోనని భయమేస్తుంది. దొరక్కుండా వేరే రూట్లలో వెళ్లడానికి ట్రై చేస్తాం.. కానీ ఓ వ్యక్తి ఒక బైక్ పై ఐదేళ్ల నుంచి 277 చలాన్లు పెండింగ్ లో ఉన్నా దర్జాగా తిరుతుండు. ఈ పెండింగ్ చలాన్ల విలువు దాదాపు 80 వేల రూపాయలు కావడం గమనార్హం.. ఈ బైక్ చలాన్లతో దాదాపు ఇంకో కొత్త బైక్ వస్తదేమోనని కొందరు సోషల్ మీడియాలో సెటైర్ వేస్తున్నారు.
కరీంనగర్ ట్రాఫిక్ పోలీసుల అక్టోబర్ 10న సిక్కు వాడి ప్రాంతంలో తనిఖీలు చేపట్టారు. అప్పుడే అటుగా వచ్చిన TS02 EX 1395 నంబర్ ఉన్న ఓ యూనికార్న్ బైక్ ను ఆపి తనిఖీ నిర్వహించారు. లైసెన్స్ తో రూల్స్ ప్రకారం వెహికిల్ కు ఉండాల్సిన అన్ని సర్టిఫికెట్లను పరిశీలించారు. అయితే ఆ బైక్ పై 277 చలాన్లు ఉన్నట్లు గుర్తించారు. 2019 జూన్‌ నుంచి 2024 డిసెంబర్‌ వరకు పేరుకుపోయిన చలాన్ల మొత్తం జరిమానా రూ.79,845 ఉన్నాయి.
►ALSO READ | కరీంనగర్ జిల్లాలో ACB దాడులు.. అడ్డంగా దొరికిపోయిన పంచాయతీ సెక్రటరీ
హెల్మెట్ లేకుండా 254 కేసులు, మాస్క్ లేకుండా 10, ట్రిపుల్ రైడింగ్ 7 కేసులు ఉన్నాయి. కరీంనగర్ గోదాము గడ్డకు చెందిన ఈ వాహనం నడిపిన వ్యక్తిని అబ్దుల్ ఖయ్యూమ్ (37) గా గుర్తించారు. పెండింగ్ చలాన్లు పెండింగ్ లో ఉండటంతో వాహనాన్నిట్రాఫిక్ పోలీస్‌ స్టేషన్‌కి తరలించారు. పెండింగ్ చలాన్లు క్లియర్ చేయకపోతే చట్టపరమైన చర్యలు తప్పవని కరీంనగర్ ట్రాఫిక్ ఏసీపీ యాదగిరిస్వామి తెలిపారు.
