టాలీవుడ్ లో మాస్ కటౌట్ ఉన్న హీరో అంటే ప్రభాస్ అనే చెప్పాలి. అందుకే.. ఆయన హైట్, పర్సనాలిటీని దృష్టిలో పెట్టుకొని మేకర్స్ కథలు రెడీ చేసుకుంటూ ఉంటారు. ఛత్రపతి, మున్నా, బాహుబలి,సాహూ ఇప్పుడు రాబోతున్న సలార్ సినిమాలు ఆ కోవలోకే వస్తాయి. అయితే తాజాగా ప్రభాస్ పక్కా ఫ్యామిలీ ఎంటర్టైనర్ చేయాలని ఫిక్స్ అయ్యాడట. అది కూడా పాన్ ఇండియా రేంజ్ లో.
ఈ సినిమాని ప్రముఖ నిర్మాతలు దిల్ రాజు లేదా బివిఎస్ఎన్ ప్రసాద్ నిర్మించనున్నారట. ఈ ప్రాజెక్ట్ కోసం క్లాస్ సినిమాల దర్శకుడు హను రాఘవపూడిని లైన్లో పెట్టారని సమాచారం. హను చెప్పిన కథ నిర్మాతలకి బాగా నచ్చిందట. ఇక ఈ దర్శకుడు తెరకెక్కించిన సీతారామమ్ మూవీ పాన్ ఇండియా లెవల్లో బ్లాక్ బాస్టర్ గా నిలిచింది. అందుకే ఈ ప్రాజెక్ట్ కోసం హను అయితేనే బాగుటుందని ఫిక్స్ అయ్యారట మేకర్స్.
ప్రస్తుతం ఈ కథ కోసం ప్రభాస్ ని ఒప్పించేందుకు ట్రై చేస్తున్నారట. ప్రభాస్ ప్రస్తుతం.. ఆదిపురుష్, సలార్, మారుతీ సినిమాలతో ఫుల్ బిజీగా ఉన్నాడు. ఈ సినిమాలు కంప్లీట్ ఐన వెంటనే.. హను సినిమా ఒకే అవకాశం ఉందని సమాచారం. మరి ఈ క్లాస్ డైరెక్టర్ తెరకెక్కించనున్న ఈ క్లాస్ సినిమాకి ఆడియన్స్ ఎలా రియాక్ట్ అవుతారో తెలియాలంటే కొన్ని రోజులు కాదు.. కొన్ని ఇయర్స్ ఆగాల్సిందే.
