హుస్నాబాద్, వెలుగు: కొత్త పార్లమెంట్ ప్రారంభ కార్యక్రమం చూస్తుంటే ప్రధాని మోడీ పట్టాభిషేకం చేసుకున్నట్లుగా ఉందని సీపీఐ జాతీయ కార్యవర్గ సభ్యుడు చాడ వెంకటరెడ్డి విమర్శించారు. మోడీ పాటించిన రాచరికపు ఆచారాలతో ప్రజాస్వామ్యానికి, రాజ్యాంగానికి అవమానం జరిగిందన్నారు. సోమవారం సాయంత్రం సిద్దిపేట జిల్లా హుస్నాబాద్లో చాడ మీడియాతో మాట్లాడారు. పార్లమెంట్ కు అధిపతి అయిన రాష్ట్రపతిని ప్రారంభ కార్యక్రమానికి దూరంగా ఉంచడం పార్లమెంట్ రూల్స్కు విరుద్ధమన్నారు. రాజ్యాంగ ఉల్లంఘనకు పాల్పడిన లోక్‌సభ సెక్రటేరియట్‌పై న్యాయపరమైన చర్యలు తీసుకోవాలని డిమాండ్ చేశారు.
సీఎం కేసీఆర్కేసీఆర్నియంతలా వ్యవహరిస్తున్నారని, రాష్ట్ర దశాబ్ది ఉత్సవాల సందర్భంగానైనా గతంలో ఇచ్చిన హామీలను అమలుచేయాలని కోరారు. ఇండ్ల స్థలాలు, డబుల్బెడ్రూమ్ఇండ్లు, నిరుద్యోగ భృతి, 57 ఏండ్లు నిండినవారందరికీ పెన్షన్లు ఇస్తామని మాట తప్పారన్నారు. జూన్ 4న కొత్తగూడెంలో సీపీఐ గర్జన పేరుతో భారీ బహిరంగ సభ నిర్వహిస్తున్నట్లు చెప్పారు. సమావేశంలో ఆ పార్టీ జిల్లా కార్యదర్శి మంద పవన్, రాష్ట్ర సమితి సభ్యుడు గడిపె మల్లేశ్, జిల్లా కార్యవర్గ సభ్యులు ఎడల వనేశ్, జాగీరు సత్యనారాయణ తదితరులు పాల్గొన్నారు.
