ఏడాదిన్నర క్రితం ‘భామా కలాపం’ అనే వెబ్‌ మూవీతో ప్రేక్షకుల ముందుకొచ్చి అందర్నీ ఆకట్టుకుంది ప్రియమణి. ‘డియర్‌ కామ్రెడ్‌’ ఫేమ్ భరత్‌ కమ్మ సమర్పణలో అభిమన్యు డైరెక్ట్ చేసిన ఈ మూవీ ఆహాలో విడుదలై మంచి రెస్పాన్స్‌‌‌‌ను తెచ్చుకుంది. తాజాగా సెకండ్ పార్ట్‌‌‌‌ను రూపొందించారు. ఫిబ్రవరి 16 నుంచి ఇది ఆహాలో స్ట్రీమింగ్ కానుంది. తాజాగా ఈ చిత్రానికి సంబంధించి ట్రైలర్‌‌‌‌‌‌‌‌ను రిలీజ్ చేశారు. యూట్యూబ్ ఛానల్‌‌‌‌లో వంటల కార్యక్రమాన్ని నిర్వహించే మహిళగా అనుపమ పాత్రలో ప్రియమణి కనిపిస్తున్న ట్రైలర్ సినిమాపై క్యూరియాసిటీని పెంచింది. బాపినీడు, సుధీర్ ఈదర నిర్మించిన ఈ చిత్రంలో శరణ్య ప్రదీప్, సీరత్ కపూర్, రఘు ముఖర్జీ, బ్రహ్మాజీ కీలక పాత్రలు పోషించారు.
