చంద్రయాన్2 ప్రయోగం తర్వాత ఇస్రో చేస్తున్న కార్టోశాట్ 3 ప్రయోగానికి సర్వం సిద్ధమైంది. ఇప్పటికే శ్రీహరికోటలోని సతీశ్ ధావన్ స్పేస్సెంటర్ రెండో ప్రయోగ వేదికపై పీఎస్ఎల్వీ సీ47 రాకెట్ను నిలబెట్టిన ఇస్రో, మంగళవారం ఉదయం 7.28 గంటలకు 26 గంటల కౌంట్డౌన్ను స్టార్ట్ చేసింది. బుధవారం ఉదయం 9.28 గంటలకు కార్టోశాట్3 ప్రయోగం జరగనుంది. మంగళవారం సాయంత్రం రాకెట్ నాలుగో దశ ఇంజన్లో ఇంధనాన్ని నింపారు ఇస్రో సైంటిస్టులు. ప్రయోగం సందర్భంగా ఇస్రో చైర్మన్ కె. శివన్, తిరుమల శ్రీవారి ఆలయంలో ప్రత్యేక పూజలు చేశారు. కార్టోశాట్3తో పాటు అమెరికాకు చెందిన మరో 13 చిన్న ఉపగ్రహాలనూ పీఎస్ఎల్వీ సీ47 నింగిలోకి మోసుకెళ్లనుంది. కార్టోశాట్3ని పోలార్ సన్ సింక్రనస్ ఆర్బిట్లోకి పంపుతారు.
మిషన్ వివరాలు
ప్రధాన పేలోడ్ కార్టోశాట్3
కక్ష్య ఎత్తు 509 కిలోమీటర్లు
లాంచ్ప్యాడ్ రెండో ప్రయోగ వేదిక
ప్రయోగ కోణం 140 డిగ్రీలు
మైల్స్టోన్స్
74– శ్రీహరికోట నుంచి చేపడుతున్న మిషన్
49– పీఎస్ఎల్వీ ప్రయోగం
21– పీఎస్ఎల్వీ ఎక్స్ఎల్ వేరియంట్ ప్రయోగం
9– కార్టోశాట్ సిరీస్లో పంపుతున్న ఉపగ్రహం సంఖ్య
5– ఈ ఏడాది చేస్తున్న ప్రయోగం సంఖ్య
కార్టోశాట్3 ప్రత్యేకతలు
భూమిని అణువణువూ జల్లెడ పట్టే మూడో తరం ఉపగ్రహం. అత్యంత ఎక్కువ రిజల్యూషన్తో ఈ ఉపగ్రహం భూమి ఫొటోలు తీస్తుంది.బరువు 1625 కిలోలు .కరెంట్ జనరేషన్- 2 వేల వాట్లు
మిషన్ లైఫ్- ఐదేళ్లు
ప్రత్యేకించి మిలటరీ అవసరాల కోసం దీన్ని ప్రయోగిస్తున్నారు. దాంతో పాటు అర్బన్ ప్లానింగ్, గ్రామీణ ప్రాంతాల వనరులు, మౌలిక వసతుల అభివృద్ధి, తీర ప్రాంత భూముల వాడకం వంటి వాటి కోసమూ సేవలు అందిస్తుంది.
అంతర్జాతీయ పేలోడ్లు
ఇస్రో కమర్షియల్ వింగ్ అయిన న్యూ ఇండియా స్పేస్ లిమిటెడ్ (ఎన్ఎస్ఐఎల్) ద్వారా అమెరికాకు చెందిన 13 పేలోడ్లను ప్రయోగిస్తున్నారు.
ఫ్లాక్4పీ- మొత్తం 12 ఉపగ్రహాలు. భూమి పరిశీలన కోసం పంపుతున్న శాటిలైట్
మెష్బెడ్- కమ్యూనికేషన్ కోసం పంపుతున్న టెస్ట్బెడ్ శాటిలైట్