- అందుబాటులోకి తెస్తున్నకేంద్ర రవాణా శాఖ
న్యూఢిల్లీ, వెలుగు: ఇకపై ఒక్క క్యూఆర్ కోడ్ స్కాన్ చేస్తే చాలు మనం ప్రయాణించే జాతీయ రహదారి(ఎన్హెచ్) పూర్తి సమాచారాన్ని పొందొచ్చు. నేషనల్ హైవేస్ అథారిటీ ఆఫ్ ఇండియా(ఎన్హెచ్ఏఐ) ఫీల్డ్ ఆఫీస్‌‌‌‌తో పాటు అక్కడికి దగ్గరలోని ఆస్పత్రులు, పెట్రో ల్ పంపులు, టాయిలెట్లు, పోలీస్ స్టేషన్లు, రెస్టారెంట్లు, టోల్ ప్లాజాకు దూరం, ట్రక్ లే బై, వాహన సర్వీస్ స్టేషన్లు/ఈ ఛార్జింగ్ స్టేషన్ల వంటి సౌకర్యాల గురించి తెలుసుకోవచ్చు.
నేషనల్ హైవేపై ప్రయాణించే వాహనదారుల సౌలభ్యం కోసం ఈ క్యూఆర్ కోడ్ ను అందుబాటులోకి తెస్తున్నట్టు కేంద్ర రవాణా శాఖ శుక్రవారం ఒక ప్రకటనలో పేర్కొంది. ఇందు లో భాగంగా హైవేల పక్కన, టోల్ ప్లాజాల వద్ద క్యూర్ కోడ్ లతో కూడిన సమాచార సైన్ బోర్డులను ఏర్పాటు చేయనున్నట్టు తెలిసింది.
